Kailash Gahlot ED Summon। काही दिवसांपूर्वीच ईडीने दिल्ली सरकारचे मंत्री कैलाश गेहलोत यांना मध्य धोरण घोटाळ्या प्रकरणी समन्स पाठवले होते. ईडीने त्यांना आज कार्यालयात चौकशीसाठी हजर राहण्याचे आदेश दिले होते. दिल्लीचे परिवहन  मंत्री ईडीच्या कार्यालयात पोहोचल्याचे सांगण्यात आले आहे. परिवहन मंत्र्यांनी उत्पादन शुल्क धोरणाचा मसुदा तयार केल्याचा आरोप होत आहे.

तात्काळ हजर राहण्याचे आवाहन Kailash Gahlot ED Summon।

30 मार्च रोजी ईडीने दिल्ली सरकारचे परिवहन मंत्री कैलाश गेहलोत यांना अबकारी धोरण प्रकरणी समन्स बजावले होते. त्यांना आजच कार्यालयात हजर राहण्याचे आदेश दिले होते. समन्सनुसार परिवहन मंत्री ईडी कार्यालयात पोहोचले आहेत. सध्या त्यांची चौकशी सुरु असून  ते तिथेच आहेत. ईडीने परिवहन मंत्र्यांवर दिल्ली उत्पादन शुल्क धोरणाचा मसुदा तयार केल्याचा आरोप केलाय. 2021 मध्ये दिल्लीत नवीन उत्पादन शुल्क धोरण लागू करण्यात आले. सीबीआयचा तपास सुरू झाल्यानंतर दिल्ली सरकारने २०२२ मध्ये तो मागे घेतला. दिल्ली उत्पादन शुल्क धोरणाबाबत तीन वर्षांपासून दिल्लीत राजकीय गदारोळ सुरू आहे.

सीएम केजरीवाल, सिसोदिया आणि संजय सिंह यांना अटक  Kailash Gahlot ED Summon।
हे प्रकरण 2021-22 साठी दिल्ली सरकारच्या उत्पादन शुल्क धोरणाच्या निर्मिती आणि अंमलबजावणीमध्ये कथित भ्रष्टाचार, मनी लाँड्रिंगशी संबंधित आहे. दिल्ली सरकारचे वादग्रस्त अबकारी धोरण नंतर रद्द करण्यात आले. या प्रकरणी आप नेते मनीष सिसोदिया आणि संजय सिंह यांना यापूर्वी ईडीने अटक केली होती आणि ते न्यायालयीन कोठडीत आहेत. दिल्लीचे मुख्यमंत्री अरविंद केजरीवाल यांना ईडीने २१ मार्च रोजी मनी लाँड्रिंग प्रकरणात अटक केली होती आणि गुरुवारी न्यायालयाने त्यांची ईडी कोठडी १ एप्रिलपर्यंत वाढवली.