मुंबई उच्च न्यायालयाच्या मुख्य न्यायाधीशपदी न्यायमूर्ती प्रदीप नंदराजोग 

मुंबई: मुंबई उच्च न्यायालयाच्या मुख्य न्यायाधीशपदी नियुक्ती झालेल्या न्यायमूर्ती प्रदीप नंदराजोग यांना राज्यपाल चे. विद्यासागर राव यांनी आज पदाची शपथ दिली.

राजभवन येथे झालेल्या या सोहळ्यास मुख्यमंत्री देवेंद्र फडणवीस उपस्थित होते. शपथविधीनंतर राज्यपाल व मुख्‍यमंत्री यांनी न्यायमूर्ती श्री. नंदराजोग यांचे पुष्पगुच्छ देऊन अभिनंदन केले. राज्याचे मुख्य सचिव यू.पी.एस.मदान यांनी न्यायमूर्ती नंदराजोग यांच्या नियुक्तीच्या अधिसूचनेचे वाचन केले.

या सोहळ्यास  मुंबई उपनगरचे पालकमंत्री तथा उच्च शिक्षणमंत्री विनोद तावडे,महापौर विश्वनाथ महाडेश्वर, मुंबई उच्च न्यायालयाचे माजी मुख्य न्यायाधीश मोहित शहा, राजस्थान उच्च न्यायालयाचे न्यायाधीश, राज्याचे लोकायुक्त एम.एल.तहलियानी, राज्य सेवा हक्क आयोगाचे मुख्य आयुक्त स्वाधीन क्षत्रिय,महाराष्ट्र लोकसेवा आयोगाचे अध्यक्ष चंद्रशेखर ओक, मुंबई पोलिस आयुक्त संजय बर्वे, राज्याचे महाधिवक्ता आशुतोष कुंभकोणी आदींसह विविध विभागांचे वरिष्ठ अधिकारी उपस्थित होते. या सोहळ्याचा प्रारंभ आणि समारोप राष्ट्रगीताने झाला.

न्यायमूर्ती श्री. नंदराजोग हे अतिरिक्त न्यायाधीश म्हणून दिल्ली उच्च न्यायालयात कार्यरत होते. तसेच, 2017  मध्ये राजस्थान उच्च न्यायालयाचे मुख्य न्यायाधीश होते.

डिजिटल प्रभातचे टेलिग्राम जॉईन करण्यासाठी येथे क्लिक करा

You might also like

Leave A Reply

Your email address will not be published.