July 2024 Muhurat – वर्ष २०२४ मध्ये सूर्य शुक्र राशीत गेल्यामुळे एप्रिल महिन्यानंतर मे आणि जूनमध्ये लग्न आदी शुभकार्यांसाठी कोणता मुहूर्त नव्हता. त्यामुळे गेल्या ६३ दिवसांपासून सर्व कार्ये थांबली होती. मात्र ज्यांनी कार्य करण्याचे योजले आहे त्यांच्यासाठी आता चांगली बातमी म्हणजे त्यांना आता १७ जुलैपर्यंत मुहूर्त उपलब्ध होणार आहेत. मात्र या काळात कार्य संपन्न झाले नाही तर पुन्हा एकदा १७ नोव्हेंबर पर्यंत प्रतिक्षा करावी लागू शकते. यासंदर्भात एका संकेतस्थळावर आचार्यांच्या हवाल्याने देण्यात आलेल्या माहितीनुसार जुलै महिन्यात लग्नांसाठी दहा दिवस शुभ काळ आहे. त्यानंतर १७ जुलैपासून शयनी एकादशी सुरू होईल. त्यासोबतच चातुर्मास सुरू होईल व तो चार महिन्यांसाठी असेल व या काळात कोणतेही शुभ कार्य अथवा विवाह करता येत नाहीत. त्यानंतर १७ नोव्हेंबरपासून पुन्हा विवाहांसाठी शुभ काळ असेल. दरम्यान, भारतीय समाजात विवाह सोहळा हा एक मोठा उत्सव असतो. त्यानिमित्त मोठी खरेदी केली जात असल्यामुळे बाजारपेठाही सजलेल्या असतात. त्यामुळेच कार्यमालकांप्रमाणेच व्यापारी मंडळींचेही मुहूर्तांकडे विशेष लक्ष असते. आता येत्या २८ तारखेपासून पुन्हा खरेदीला सुरूवात होईल असा विश्वास काही जणांनी व्यक्त केला आहे. विवाहासाठी शुभ मुहूर्त ! जुलै: ७, ९, १०, ११, १२, १३, १४, १५, १६ व १७ नोव्हेंबर: १७, १८, २२, २३, २४ व २५ डिसेंबर: २,३,४,५, ९, १० व ११
