Jugnuma Screening: मनोज बाजपेयी यांच्या आगामी ‘जुगनुमा’ चित्रपटाच्या स्क्रीनिंगला बॉलिवूडमधील अनेक कलाकार उपस्थित होते. या कार्यक्रमात एक खास क्षण कॅमेऱ्यात कैद झाला आणि तो सोशल मीडियावर झपाट्याने व्हायरल होत आहे.

‘गँग्स ऑफ वासेपुर’चे दिग्दर्शक अनुराग कश्यप, अभिनेता जयदीप अहलावत, विजय वर्मा आणि विनीत कुमार सिंह यांनी स्क्रीनिंगदरम्यान मनोज बाजपेयींच्या पायांना स्पर्श करून आशीर्वाद घेतला. हा व्हिडिओ पाहून चाहत्यांनीही मोठ्या प्रमाणात प्रतिक्रिया दिल्या आहेत.

अनुराग कश्यप जेव्हा कार्यक्रमाला पोहोचले, तेव्हा त्यांनी थेट मनोज बाजपेयींच्या पायांवर हात ठेवून त्यांना प्रणाम केला. त्यांच्यासोबत जयदीप, विजय वर्मा आणि विनीत कुमार सिंह यांनीदेखील आशीर्वाद घेतला. हे पाहून मनोज बाजपेयी हसले आणि सर्वांना असे करू नका असे सांगितले. त्यानंतर सर्वांनी मिळून फोटोसेशनही केले.

मनोज–अनुरागची जुनी दोस्ती

मनोज बाजपेयी आणि अनुराग कश्यप यांची मैत्री जुनी आहे. दोघांनी मिळून ‘गँग्स ऑफ वासेपुर’सारखी कल्ट फिल्म दिली आहे. एका मुलाखतीत मनोज यांनी अनुरागबद्दल बोलताना म्हटलं होतं की,
“अनुराग आपल्या विश्वासावर ठाम राहिला, त्यामुळे त्याला अनेक शत्रू मिळाले, आजारपण आलं, हात मोडला, पण तो मागे हटला नाही. तो इतर फिल्ममेकरसाठी प्रेरणादायी उदाहरण आहे. त्याच्या प्रवासातून लोकांनी शिकायला हवं.”

मनोज बाजपेयींचे आगामी प्रोजेक्ट्स

अलीकडेच मनोज बाजपेयींची ‘इन्स्पेक्टर झेंडे’ ही ओटीटीवर आलेली फिल्म चर्चेत होती, ज्यात त्यांच्या कॉमिक टायमिंगचं खूप कौतुक झालं. आता ते लवकरच ‘पुलिस स्टेशन में भूत’ या हॉरर चित्रपटातही दिसणार आहेत.