श्रीनगर – जम्मू-काश्मीरमधील चार राज्यसभा जागांसाठीचे मतदान पूर्ण झाले. यामध्ये सर्व ८६ आमदारांनी सहभाग घेतला. मतमोजणीनंतर नॅशनल कॉन्फरन्स (NC) च्या उमेदवारांनी दमदार कामगिरी करत तीन जागांवर विजय मिळवला, तर भारतीय जनता पक्षाने (BJP) देखील एक जागा जिंकण्यात यश मिळवले. एनसीची हॅट्ट्रिक – मतदान आणि मतमोजणीनंतर नॅशनल कॉन्फरन्स (NC) ने निवडणुकीत आपली पकड मजबूत केली. पक्षाचे उमेदवार चौधरी मोहम्मद रमजान, शम्मी ओबराय आणि सज्जाद किचलू यांनी जम्मू-काश्मीरमधून राज्यसभेच्या जागांवर विजय मिळवला आहे. भाजपची महत्त्वपूर्ण सरशी – या निवडणुकीत भारतीय जनता पक्षालाही यश मिळाले आहे. भाजपचे नेते सत शर्मा यांनी एका जागेवर बाजी मारत पक्षाचे खाते उघडले. अनुच्छेद ३७० रद्द झाल्यानंतर केंद्रशासित प्रदेशात झालेल्या या पहिल्या राज्यसभा निवडणुकीतील भाजपचा हा विजय महत्त्वाचा मानला जात आहे. कोण आहेत सत शर्मा? संपूर्ण नाव: सतपाल शर्मा सध्याचे पद: जम्मू-काश्मीर भाजपचे प्रदेशाध्यक्ष माजी मंत्री: ते यापूर्वी जम्मू-काश्मीर सरकारमध्ये मंत्री होते. माजी आमदार: जम्मू पश्चिम विधानसभा मतदारसंघातून त्यांनी प्रतिनिधित्व केले आहे. व्यावसायिक पार्श्वभूमी: ते एक चार्टर्ड अकाउंटंट (CA) देखील आहेत. दरम्यान, सकाळपासून मतदान प्रक्रिया शांततेत पार पडली. मतदानाची वेळ सायंकाळी ४ वाजेपर्यंत होती, त्यानंतर ५ वाजता मतमोजणी सुरू झाली. चारही जागांचे अंतिम निकाल जाहीर झाले असून, त्यात NC ने तीन आणि भाजपने एका जागेवर विजय मिळवला आहे.
