Jitendra Awad : राष्ट्रवादी काँग्रेसच्या दोन्ही गटामध्ये सध्या आरोप-प्रत्यारोपाच्या फैऱ्या झडत आहेत. याच पार्श्वभूमीवर राष्ट्रवादी काँग्रेसने एक अजित पवार यांचा एक जुना व्हिडीओ पोस्ट करत त्यांच्यावर विश्वासघाताचा आरोप केला आहे. याच व्हिडीओवरून शरद पवार गटाचे आमदार जितेंद्र आव्हाड यांनी अजित पवारांवर निशाणा साधला आहे.

राष्ट्रवादी काँग्रेसने पोस्ट केलेल्या व्हिडिओत नेमकं काय आहे ?  (Jitendra Awad)
राष्ट्रवादी काँग्रेसने त्यांच्या अधिकृत ‘एक्स’ (अगोदरच्या ट्विटरवरून) अकाउंटवर अजित पवारांचा एक व्हिडीओ ट्वीट केला आहे. या व्हिडीओत अजित पवारांनी कशाप्रकारे त्यांचे शब्द फिरवले, हे दाखवून दिले आहे. ट्वीटवर लिहिलं, “दादांची टीका म्हणजे लैच जहरी शब्द! आणि आज हे ‘माजी टीकाकार’ मूग गिळून गप्प झालेत, तेही का आणि कशासाठी? दादांनी फक्त शब्दच फिरवला नाही तर साहेबांचा विश्वास तोडलाय! पक्षाच्या कार्यकर्त्यांचा विश्वास तोडलाय! शब्द जपून वापरायचे असतात; आणि लक्षातही ठेवायचे असतात!!.” असे लिहिण्यात आले आहे.

…मग, आता काय झालं ? – जितेंद्र आव्हाड (Jitendra Awad)

दरम्यान, या व्हिडीओचा आधार घेत  आमदार जितेंद्र आव्हाड यांनी, “अजित पवार नेहमी म्हणतात, ‘मी छाती ठोकून बोलतो आणि तेच खरं असतं.’ आम्हीही तेच सांगतोय, तुम्ही बोलला त्याच्या विरूद्ध वागत आहात. मुख्यमंत्री एकनाथ शिंदे यांच्याकडे ‘शिवसेना’ गेल्यावर अजित पवार म्हणाले होते, ‘उद्धव ठाकरेंच्या वडिलांचा पक्ष आणि चिन्ह आहे.’ मग, राष्ट्रवादी पक्ष आणि चिन्ह शरद पवारांचं आहे. कशाला मागत आहात?”

“तुम्ही शब्दांचे पक्के असल्याचं छाती ठोकून-ठोकून महाराष्ट्राला सांगता. मग, आता काय झालं? अजित पवारांना मी धोकेबाज म्हणणार नाही. कारण, त्यांच्याएवढा मोठा दादा मी नाही. पण, माणसानं शब्दाला जागालं पाहिजे. तुम्ही एकनाथ शिंदेंना पक्ष आणि चिन्हाबाबत सल्ला देत होता. मग, तुम्हाला कुणी सल्ला द्यायचा? मुळात तुम्हाला सल्ला दिलेलाच आवडत नाही. अजित पवारांपुढं कुणाचं चालत नाही. ‘मैं खाता ना वही, दादा कहै वही सही,’” असे म्हणत जितेंद्र आव्हाडांनी अजित पवारांना टोला लगावला आहे.