Jejuri News – जेजुरी परिसरात पानसरे परिवाराचे सामाजिक कार्य मोठे आहे. खंडेरायाच्या धार्मिक विधीतील मानकरी असलेल्या पानसरे परिवाराने गेली अनेक पिढयांपासून सामाजिक बांधिलकी जोपासत वाटचाल केली आहे. विशेषतः राष्ट्रवादी पक्षाशी एकनिष्ठ राहून कार्यरत असलेले माजी नगसेवक (स्व) मेहबूबभाई पानसरे यांच्या पाठपुरावा अथक प्रयत्नातून येथील रेल्वे स्टेशन व परिसराचा विकास झाला आहे. परिसरात उद्यानाची निर्मिती करून स्व. मेहबूबभाई पानसरे हे नामकरण करून त्यांच्या स्मृर्ती जतन करण्याचा आमचा प्रयत्न राहील. नगरपरिषदेच्या पुढील सर्वसाधारण सभेत ठराव संमत करणार असल्याचे नगराध्यक्ष जयदीप बारभाई यांनी सांगितले. जेजुरी नगरपरिषदेच्या नगरसेविका तथा महिला बालकल्याण समितीच्या सभापती अमिना पानसरे यांच्या वतीने जिल्हा परिषदेच्या नवनिर्वाचित सदस्या डॉ. प्राजक्ता दुर्गाडे, पंचायत समिती सभापती अमित झेंडे यांच्या सत्काराचे आयोजन केले होते. त्यावेळी ते बोलत होते. जेजुरी रेल्वे स्टेशन यावेळी जिल्हा बँकेचे अध्यक्ष डॉ. दिगंबर दुर्गाडे, नगरपरिषदेचे उपनगराध्यक्ष गणेश निकुडे, नगरसेवक योगेश जगताप, समीर मोरे, प्रशांत लाखे, सत्यवान उबाळे, शिवाजी जगताप, रोहित खोमणे, नगरसेविका मंदा बयास, मेघा उबाळे, स्नेहल भालेराव, मोनिका घाडगे, भक्ती कोरपड, प्रज्ञा राऊत, स्वरूपा खोमणे, योगिता दोडके, ग्रामस्थ मंडळाचे अध्यक्ष जालिंदर खोमणे, उद्योजक विजय झगडे आदी उपस्थित होते. सूत्रसंचालन शिवराज झगडे यांनी केले. राजू पानसरे यांनी आभार मानले. अजितदादांच्या आठवणीने उपस्थित गहिवरले जिल्हा बँकेचे अध्यक्ष डॉ.दुर्गाडे म्हणाले, (स्व) अजितदादा पवार यांचे जेजुरी नगरीवर विशेष लक्ष होते. पुण्याहून बारामतीकडे जाणारे दादा हमखास जेजुरीत थांबा घेत कार्यकर्त्यांशी संवाद साधत असत तुम्ही मला जेजुरीत सत्ता द्या, विकास निधी कमी पडू देणार नाही. पुढील पन्नास वर्षाचे नियोजन ठेवून आपल्याला शहर घडवायचे आहे. असे प्रचारसभेत आश्वासन देणाऱ्या अजितदादांना जाऊन दोन महिने झाले. त्यांच्या आठवणीने उपस्थित गहिवरले होते. दरम्यान, अजितदादांच्या आचार विचारांवर वाटचाल करीत आपल्याला राजकारण आणि समाजकारणात नवी पिढी घडविण्याचे काम करायचे आहे, असे त्यांनी सांगितले.
