सोलापूर : जिल्हा नियोजन व विकास समिती निधीच्या वाटपावरून खासदार प्रणिती शिंदे आणि पालकमंत्री जयकुमार गोरे यांच्यातील राजकीय खटके तापले आहेत. प्रणिती शिंदे यांनी गोरे यांच्यावर निधी केवळ ‘टक्केवारी’साठी दिला जात नसल्याचा आरोप केला असता, त्याला प्रत्युत्तर देताना गोरे यांनी शिंदे यांच्यावर पलटवार केला. “ज्यांनी आयुष्यभर फक्त टक्केवारी गोळा केली, त्यांना उठता-बसता फक्त टक्केवारीच दिसते. त्यांनी सांगितलेली कामे न झाल्याने त्यांची टक्केवारी बुडाली असेल,” असा बोचरा टोला गोरे यांनी लगावला. खासदार प्रणिती शिंदे यांनी डीपीडीसी निधीच्या वाटपात पक्षपाती भूमिका घेतल्याचा आरोप करत गोरे यांच्यावर हल्ला चढवला होता. मात्र, ग्रामविकासमंत्री व सोलापूरचे पालकमंत्री जयकुमार गोरे यांनी सोलापूरमध्ये झालेल्या सभेत या आरोपांना प्रत्युत्तर दिले. “डीपीडीसीमध्ये मंजूर झालेल्या कामांना निधी मिळतच असतो. कोणाच्या वैयक्तिक लेटरपॅडवर निधी वाटला जात नाही. सभेने मंजूर केलेल्या कामांनाच निधी मिळतो, माझ्या लेटरपॅडवर मी सांगितलेलीच कामे मंजूर व्हावीत हा बालहट्ट मी पूर्ण करू शकत नाही,” असे गोरे म्हणाले. गोरे यांनी शिंदे यांच्यावर वैयक्तिक टीका करत, “प्रणिती शिंदे यांचा जनतेशी संपर्क तुटला आहे. त्यांची खासदारकी सध्या दिल्ली व्हाया मुंबई अशी सुरू आहे. ते सतत खासगी चार्टर्ड विमान घेऊन फिरतात, त्यामुळे आपल्यासारखे सर्वजण असतील असे त्यांना वाटत असेल,” असा उल्लाही घातला. सोलापूर-गोवा विमानसेवेवरूनही दोघांमध्ये अलीकडे जुंपली झाली असून, गोरे यांनी शिंदे यांच्या आरोपांना ‘राजकीय खटक्याचा भाग’ म्हटले. गोरे यांनी डीपीडीसी निधीची शिस्तबद्ध वाटपावर भर देण्याचे सांगितले. “सोलापूर जिल्ह्यात आजपर्यंत डीपीडीसी निधीच्या वाटपाला कधी नव्हे एवढी शिस्त लागली आहे. हा निधी कोणाच्या वैयक्तिक मालकीचा नसून सार्वजनिक आहे,” असे ते म्हणाले.
