Jasprit Bumrah Record in Rankings : भारतीय क्रिकेट संघाचा स्टार वेगवान गोलंदाज जसप्रीत बुमराहने २०२५ सालाच्या शेवटी एका नव्या विक्रमाला गवसणी घातली आहे. आयसीसी (ICC) कसोटी क्रमवारीत बुमराहने इतिहास रचला असून, २०११ पासून कोणत्याही भारतीय वेगवान गोलंदाजाला न जमलेली कामगिरी त्याने करून दाखवली आहे. सलग दुसऱ्या वर्षी ‘नंबर-1’चा ताज – आयसीसीच्या ताज्या कसोटी क्रमवारीत जसप्रीत बुमराहने २०२५ सालाचा समारोप जगातील नंबर-1 गोलंदाज म्हणून केला आहे. विशेष म्हणजे, २०२४ सालाच्या शेवटीही बुमराह याच स्थानी होता. त्यामुळे सलग दोन वर्षे कसोटी क्रमवारीत अव्वल स्थानी राहणारा तो पहिलाच भारतीय वेगवान गोलंदाज ठरला आहे.यापूर्वी भारताच्या केवळ फिरकीपटूंनीच अशी कामगिरी केली होती आर. अश्विन: २०१५ आणि २०१६ मध्ये सलग दोन वर्षे अव्वल स्थानी (तसेच २०२३ मध्येही नंबर-1). बिशन सिंह बेदी: १९७३ मध्ये कसोटी क्रमवारीत अव्वल स्थानी. परंतु, वेगवान गोलंदाजांच्या श्रेणीत बुमराहने अश्विन आणि बेदी यांच्या पंक्तीत स्थान मिळवत भारतीय पेस बॉलिंगचा दबदबा निर्माण केला आहे. हेही वाचा – Australia Squad : ऑस्ट्रेलियाचा टी-२० विश्वचषकासाठी संघ जाहीर! ‘या’ स्टार खेळाडूला डच्चू, तर ‘या’ खेळाडूचे पुनरागमन २०२५ मधील कामगिरीवर एक नजर – २०२५ हे वर्ष बुमराहसाठी वैयक्तिक आणि सांघिक स्तरावर संमिश्र राहिले असले, तरी त्याच्या आकडेवारीने सर्वांचे लक्ष वेधून घेतले आहे: कसोटी सामने: ८ (१४ डाव) एकूण बळी: ३१ सरासरी: २२.१६ ५ विकेट हॉल: ३ वेळा बुमराहची ही कामगिरी त्याची जागतिक स्तरावरील क्षमता आणि सातत्य सिद्ध करण्यासाठी पुरेशी आहे. तिन्ही फॉरमॅटमधील रँकिंगची स्थिती – फॉरमॅट रँकिंग रेटिंग / स्थिती कसोटी (Test) १ ८७९ रेटिंग्स टी-२० (T20I) १८ – एकदिवसीय (ODI) १०० च्या बाहेर २ वर्षांपासून एकही सामना खेळलेला नाही हेही वाचा – Sara Tendulkar : सचिनची लेक सारा तेंडुलकर पुन्हा चर्चेत; हातात बिअरची बाटली घेऊन गोव्यातील रस्त्यावर फिरताना दिसली वनडे रँकिंगमध्ये मागे का? बुमराह एकदिवसीय क्रमवारीत पहिल्या १०० मध्येही नाही, कारण त्याने गेल्या दोन वर्षांत एकही वनडे सामना खेळलेला नाही. त्याचा शेवटचा एकदिवसीय सामना २०२३ च्या विश्वचषक फायनलमध्ये (अहमदाबाद) ऑस्ट्रेलियाविरुद्ध होता. तेव्हापासून तो केवळ कसोटी आणि टी-२० फॉरमॅटवर लक्ष केंद्रित करत आहे.
