Jannat Jubair: टेलिव्हिजन अभिनेत्री आणि सोशल मीडिया इन्फ्लुएंसर जन्नत जुबैर हिच्यावर नुकताच हल्ला झाल्याची धक्कादायक माहिती समोर आली आहे. या घटनेत तिचा भाऊ अयान जुबैर देखील तिच्यासोबत होता. ही घटना १५ मार्च रोजी पनवेलकडे जात असताना हायवेवर घडल्याचे सांगितले जात आहे. या घटनेनंतर जन्नतच्या चाहत्यांमध्ये मोठी चिंता निर्माण झाली होती. मात्र आता तिच्या टीमकडून अधिकृत निवेदन जारी करण्यात आले असून, त्यात दोघेही सुरक्षित असल्याची माहिती देण्यात आली आहे. सध्या पोलिस या प्रकरणाची चौकशी करत आहेत. Jannat Jubair जन्नत जुबैरच्या अधिकृत इंस्टाग्राम अकाउंटवरून तिच्या टीमने एक पोस्ट शेअर केली आहे. या पोस्टमध्ये त्यांनी सांगितले की, “जन्नत आणि अयान यांना दिवसाढवळ्या हायवेवर हिंसक प्रकाराचा सामना करावा लागला. या घटनेत त्यांच्यावर शारीरिक हल्ला करण्यात आला. मात्र सध्या दोघेही सुरक्षित आहेत आणि पोलिस या प्रकरणाची तपासणी करत आहेत.” Jannat Jubair या पोस्टमध्ये टीमने चाहत्यांचे आभारही मानले आहेत. त्यांनी लिहिले की, “तुमच्या सततच्या सपोर्ट आणि काळजीबद्दल आम्ही आभारी आहोत.” तसेच अफवांवर विश्वास न ठेवण्याचे आवाहनही करण्यात आले आहे. “कृपया फक्त अधिकृत माहितीलाच विश्वास ठेवा आणि अफवांपासून दूर राहा,” असेही त्यांनी स्पष्ट केले आहे. Jannat Jubair Jannat Zubair, Brother Ayaan ही बातमी समोर येताच सोशल मीडियावर चाहत्यांनी चिंता व्यक्त केली. अनेकांनी जन्नत आणि अयान यांनी स्वतःची काळजी घ्यावी, अशी प्रतिक्रिया दिली. काहींनी या हल्ल्याच्या आरोपींना लवकरात लवकर अटक व्हावी, अशी मागणीही केली आहे. जन्नत जुबैर ही टीव्ही इंडस्ट्रीतील एक लोकप्रिय चेहरा आहे. तिने ‘फुलवा’ या मालिकेतून आपल्या करिअरची सुरुवात केली होती. त्यानंतर ‘तू आशिकी’ आणि ‘सियासत’ यांसारख्या मालिकांमध्ये ती झळकली. सोशल मीडियावरही तिची मोठी फॅन फॉलोइंग आहे. सध्या ती ‘लाफ्टर शेफ्स सीजन ३’ या शोमध्ये अली गोनीसोबत दिसत आहे. अयान जुबैर देखील अभिनय क्षेत्रात सक्रिय आहे आणि त्यानेही आपल्या कामातून ओळख निर्माण केली आहे. या घटनेनंतर दोघेही सुरक्षित असल्याची बातमी समोर आल्यानंतर चाहत्यांना दिलासा मिळाला आहे. सध्या पोलिस या प्रकरणाचा तपास करत असून, हल्ल्यामागील कारण काय होते, हे शोधण्याचे प्रयत्न सुरू आहेत. पुढील काही दिवसांत या प्रकरणात आणखी माहिती समोर येण्याची शक्यता आहे.
