Jalgaon News : जळगाव जिल्ह्यातील पाळधी गावात साईबाबा मंदिर परिसरात सुरू असलेल्या भक्तनिवासाच्या बांधकामादरम्यान स्लॅब कोसळल्याची घटना घडली. या दुर्घटनेत सात कामगार जखमी झाले असून सुदैवाने कोणतीही जीवितहानी झाली नाही. Jalgaon News मिळालेल्या माहितीनुसार, धरणगाव तालुक्यातील पाळधी येथे साईबाबा मंदिर परिसरात भक्तनिवासाचे बांधकाम सुरू होते. याचवेळी इमारतीचा स्लॅब अचानक कोसळल्याने कामगार ढिगाऱ्याखाली अडकले. या घटनेत सात कामगार जखमी झाले. Jalgaon News घटनेची माहिती मिळताच जिल्हा परिषदेचे माजी सदस्य प्रताप पाटील यांच्या कार्यकर्त्यांनी तातडीने घटनास्थळी धाव घेतली. त्यांनी स्थानिकांच्या मदतीने ढिगाऱ्याखाली अडकलेल्या कामगारांना बाहेर काढून तात्काळ रुग्णालयात हलवले. Jalgaon News जखमी कामगारांना रुग्णवाहिकेद्वारे जळगाव येथील शासकीय रुग्णालयात उपचारासाठी दाखल करण्यात आले असून त्यांची प्रकृती सध्या स्थिर असल्याची माहिती देण्यात आली आहे. Jalgaon News दरम्यान, पालकमंत्री गुलाबराव पाटील यांचे चिरंजीव प्रताप पाटील यांनी घटनास्थळी जाऊन मदतकार्य केले. या घटनेमुळे बांधकामाच्या सुरक्षिततेबाबत प्रश्न उपस्थित होत असून स्लॅब कोसळण्यामागील नेमके कारण अद्याप स्पष्ट झालेले नाही. प्रशासनाकडून याबाबत पुढील तपास सुरू आहे. Jalgaon News
