Jaishankar on Kashmir । परराष्ट्र मंत्री एस. जयशंकर हे ब्रिटनच्या दौऱ्यावर आहेत. त्यांनी चॅथम हाऊस थिंक टँकमध्ये काश्मीरपासून डोनाल्ड ट्रम्पच्या धोरणांपर्यंतच्या मुद्द्यांवर मोकळेपणाने भाष्य केले. पण यावेळी एका पाकिस्तानी पत्रकाराने काश्मीरबद्दल विचारलेल्या प्रश्नावर जयशंकर यांनी दिलेली प्रतिक्रिया कौतुकास्पद आहे.

चॅथम हाऊस थिंक टँकमध्ये आयोजित कार्यक्रमात एका पाकिस्तानी पत्रकाराने जयशंकर यांना प्रश्न विचारताना,”मी एक लेखक आणि पत्रकार आहे आणि मी तुम्हाला थोडे घाबरवू इच्छितो. भारताने काश्मीरवर बेकायदेशीरपणे कब्जा केला आहे, म्हणूनच ते निषेध करत आहेत. अमेरिकेचे राष्ट्राध्यक्ष डोनाल्ड ट्रम्प जगात शांतता आणण्याबद्दल बोलतात, मग नरेंद्र मोदी काश्मीर प्रश्न सोडवण्यासाठी अमेरिकेचे राष्ट्राध्यक्ष ट्रम्प यांच्याशी असलेल्या मैत्रीचा वापर करू शकतात का?” असा थेट सवाल त्यांनी केला.

“The part we are waiting for is the return of the stolen part of Kashmir, which is under Illegal Pakistani occupation. When that is done, I assure you, Kashmir is solved”, EAM Dr S Jaishankar’s response to a question by Pakistani journo on Kashmir at UK’s Chatham House. https://t.co/uGchrnvy2l pic.twitter.com/wq7e8Bcutu

— Sidhant Sibal (@sidhant) March 5, 2025

पीओके भारतात आला कि काश्मीरच्या समस्या संपुष्टता  Jaishankar on Kashmir । 

यावर जयशंकर यांनी पत्रकाराला उत्तर देताना, “आम्ही काश्मीर समस्या बऱ्याच प्रमाणात सोडवली आहे. जम्मू आणि काश्मीरमधून कलम ३७० रद्द करणे हे या दिशेने पहिले पाऊल होते. यानंतर, दुसरे पाऊल म्हणजे काश्मीरमध्ये सामाजिक न्याय पुनर्संचयित करण्यासोबतच विकास आणि आर्थिक क्रियाकलाप वाढवणे. तिसरा टप्पा म्हणजे मतदान चांगल्या मतदानासह करणे. चौथे पाऊल म्हणजे पाकिस्तानने चोरलेला काश्मीरचा भाग परत करणे. जर पाकिस्तानने बेकायदेशीरपणे व्यापलेला काश्मीरचा भाग परत केला तर काश्मीर समस्या पूर्णपणे सुटेल.” असे म्हटले. जयशंकर यांच्या या उत्तराने उपस्थितांमध्ये हास्यकल्लोळ झाला.

लंडनमधील चॅथम हाऊस थिंक टँकमध्ये आयोजित एका कार्यक्रमात जयशंकर म्हणाले की, पाकिस्तानने भारताकडून चोरलेला भाग (पीओके) आता परत येण्याची वाट पाहत आहे. तो भाग भारतात सामील होताच जम्मू आणि काश्मीरमध्ये पूर्ण शांतता प्रस्थापित होईल.असे म्हटले.

पुढे बोलताना खोऱ्यातील शांततेचे सूत्र स्पष्ट करताना त्यांनी, “जम्मू आणि काश्मीरमध्ये शांतता पुनर्संचयित करण्याची संपूर्ण प्रक्रिया तीन टप्प्यात स्वीकारण्यात आली. याशिवाय, जयशंकर यांनी अमेरिकेच्या धोरणाबद्दल बोलताना सांगितले की, राष्ट्राध्यक्ष डोनाल्ड ट्रम्प यांच्या नेतृत्वाखालील अमेरिकन प्रशासन बहुध्रुवीयतेकडे वाटचाल करत आहे, जे भारताच्या हितासाठी चांगले आहे. दोन्ही देशांनी द्विपक्षीय व्यापार कराराच्या गरजेवर सहमती दर्शविली आहे. द्विपक्षीय सहकार्याला चालना देण्यासाठी परराष्ट्र मंत्री एस जयशंकर ब्रिटन आणि आयर्लंडच्या सहा दिवसांच्या दौऱ्यावर आहेत. या दौऱ्यादरम्यान, ते प्रथम लंडनला पोहोचले, जिथे त्यांनी ब्रिटिश पंतप्रधान केयर स्टारमर आणि परराष्ट्र मंत्री डेव्हिड लॅमी यांची भेट घेतली.

काश्मीरबाबतच्या विधानांवर राजकीय प्रतिक्रिया  Jaishankar on Kashmir । 

त्याचवेळी जयशंकर यांच्या काश्मीरबाबतच्या विधानांवर प्रतिक्रिया येऊ लागल्या आहेत. जयशंकर यांच्या विधानावर नॅशनल कॉन्फरन्सचे नेते तनवीर सादिक म्हणाले की, जर काश्मीर प्रश्न सोडवणे इतके सोपे असेल तर ते चांगली गोष्ट आहे. आम्हाला माहित आहे की काश्मीर प्रश्न केवळ संवादानेच सोडवला जाईल. “सीपीएम आमदार मोहम्मद युसूफ तारिगामी म्हणाले की, डॉ. जयशंकर ज्या पद्धतीने कलम ३७० बद्दल बोलत आहेत. यावरून असे दिसून येते की कलम ३७० अजूनही अस्तित्वात आहे. जयशंकर म्हणत आहेत की आपण पाकव्याप्त काश्मीर परत मिळवू पण मोदी सरकारने जम्मू आणि काश्मीरचे विभाजन केले आहे आणि लडाख वेगळे केले आहे.