Jacqueline Fernandez: बॉलीवूड अभिनेत्री जॅकलीन फर्नांडिसचा आज (11 ऑगस्ट) 40 वा वाढदिवस आहे. बहरीनमध्ये जन्मलेली जॅकलीन 2009 मध्ये ‘अलादीन’ या चित्रपटातून हिंदी चित्रपटसृष्टीत आली. ‘किक’, ‘रेस 2’, ‘हाऊसफुल’ मालिका, ‘जुड़वां 2’ यांसारख्या अनेक हिट चित्रपटांत तिने काम केले आहे. अलीकडेच ती ‘हाऊसफुल 5’मध्ये दिसली. जॅकलीन फिटनेस आणि अध्यात्मासाठी ओळखली जाते. ती दिवसाची सुरुवात योग आणि बुलेटप्रूफ कॉफीने करते. सोशल मीडियावर ती चाहत्यांना फिटनेस टिप्सही देते. माध्यमांच्या माहितीनुसार, गेल्या वर्षी तिच्या वाढदिवसानिमित्त तुरुंगात असलेल्या सुकेश चंद्रशेखरने तिला एक खाजगी बोट भेट दिली होती. याआधीही त्याने तिला अनेक महागड्या भेटवस्तू दिल्या असून त्याचा संबंध 200 कोटी रुपयांच्या मनी लॉन्ड्रिंग प्रकरणाशी जोडला गेला आहे. जॅकलीनची नेटवर्थ अंदाजे 100 ते 130 कोटी रुपये आहे. चित्रपटांशिवाय ती ब्रँड एंडोर्समेंट आणि सोशल मीडियातूनही चांगली कमाई करते. तिची लक्झरी लाइफस्टाइल आणि फॅशन सेन्स लोकप्रिय आहेत. अलीकडेच तिच्या आई किम फर्नांडिस यांचे निधन झाले. या घटनेमुळे ती खूप दुखावली असल्याचे तिने सांगितले. सुकेश चंद्रशेखरने त्यांच्या स्मरणार्थ बाली येथे एक गार्डन समर्पित केल्याचेही समजते. वर्कफ्रंटबद्दल बोलायचे झाल्यास, जॅकलीन लवकरच ‘वेलकम टू द जंगल’ आणि हॉलीवूड चित्रपट “किल एम ऑल 2” मध्ये दिसणार आहे, ज्यात तिच्यासोबत जीन-क्लाउड वॅन डॅम काम करणार आहेत.
