मुंबई – शेअर बाजारात सध्या चांगली तेजी दिसून येत असून काही निवडक शेअर्सनी गुंतवणूकदारांच्या संपत्तीत भरघोस वाढ केली आहे. ITC Hotels, MRF, Deccan Cements, Marico आणि EID Parry या दिग्गज कंपन्यांचे शेअर्स गेल्या काही दिवसांत नवे उच्चांक गाठत आहेत. काही शेअर्सनी तर 50 ते 100 टक्क्यांपर्यंत परतावा दिला आहे. मात्र, अजूनही या शेअर्समध्ये गुंतवणुकीची संधी आहे का, याबाबत उत्सुकता आहे. तज्ज्ञांच्या मते, तांत्रिक विश्लेषणाच्या आधारावर या शेअर्समध्ये अजूनही 8 ते 17 टक्क्यांपर्यंत वाढीची शक्यता आहे.

ITC Hotels – सहा महिन्यांत 58% परतावा, अजूनही आहे वाढीचा ट्रेंड

-सध्याचा भाव: ₹236

-संभाव्य लक्ष्य: ₹270

-अपेक्षित वाढ: 14.4%

-सपोर्ट: ₹224 आणि ₹216

-रेसिस्टन्स: ₹252 आणि ₹260

ITC Hotels चा शेअर जानेवारी 2025 मध्ये बाजारात सूचीबद्ध झाला आणि केवळ सहा महिन्यांतच 58% परतावा दिला आहे. 20-दिवसांच्या मूव्हिंग ऍव्हरेजच्या वर व्यवहार करत असल्याने ट्रेंड बुलिश आहे. पुढील टप्प्यावर ₹252 आणि ₹260 हे महत्त्वाचे अडथळे आहेत. जर ते पार केले, तर ₹270 पर्यंतची वाट खुली होईल.

MRF – 1.5 लाखाच्या वर पोहोचला शेअर, अजून 9% वाढीची शक्यता

-सध्याचा भाव: ₹1,51,550

-संभाव्य लक्ष्य: ₹1,65,300

-अपेक्षित वाढ: 9.1%

-सपोर्ट: ₹1,50,000 आणि ₹1,47,000

-रेसिस्टन्स: ₹1,57,600

MRF चा शेअर कायमच उच्च दरासाठी प्रसिद्ध आहे. मार्च 2025 पासून दुप्पट वाढ झालेल्या या शेअरमध्ये अजूनही तेजी दिसून येत आहे. ₹1,57,600 वर पहिला अडथळा आहे, जो पार केल्यास ₹1,65,300 पर्यंत वाढ होऊ शकते.

Marico – एफएमसीजीमधील स्थिरतेचा पर्याय, ब्रेकआऊटनंतर पुन्हा तेजी

-सध्याचा भाव: ₹736

-संभाव्य लक्ष्य: ₹857

-अपेक्षित वाढ: 16.4%

-सपोर्ट: ₹726, ₹721, ₹713, ₹696

-रेसिस्टन्स: ₹770 आणि ₹807

FMCG क्षेत्रातील विश्वासार्ह नाव असलेल्या Marico ने मार्चपासून 29% चा झपाट्याने वाढ अनुभवली आहे. ₹770 चा अडथळा पार केल्यास हा शेअर ₹807 ते ₹857 पर्यंत पोहोचू शकतो, असा अंदाज तज्ज्ञांनी वर्तवला आहे.

Deccan Cements – सिमेंट क्षेत्रातील झपाट्याने वाढणारा शेअर, पण ‘ओव्हरबॉट’ झोनमध्ये

-सध्याचा भाव: ₹1,075

-संभाव्य लक्ष्य: ₹1,165

-अपेक्षित वाढ: 8.4%

-सपोर्ट: ₹1,045, ₹977, ₹940

-रेसिस्टन्स: ₹1,110

Deccan Cements चा शेअर फेब्रुवारीपासून 87% च्या दराने वाढला आहे. सध्या सर्व टाइमफ्रेम्समध्ये हा शेअर वरच्या Bollinger Band वर आहे, म्हणजेच सध्या तेजीचा ट्रेंड कायम आहे. मात्र, थोडी मुनाफावसुली होण्याची शक्यता आहे.

EID Parry – साखर उद्योगातील गोडीचा वाटा, अजूनही 17.5% वाढ शक्य

-सध्याचा भाव: ₹1,151

-संभाव्य लक्ष्य: ₹1,352

-अपेक्षित वाढ: 17.5%

-सपोर्ट: ₹1,108, ₹1,085

-रेसिस्टन्स: ₹1,177, ₹1,251

EID Parry चा शेअर मार्चनंतर 83% च्या उडीसह चर्चेत आहे. सध्या ₹1,177 चा अडथळा पार केल्यास हा शेअर ₹1,251 ते ₹1,352 या पातळ्यांपर्यंत पोहोचू शकतो. ₹1,085 चा सपोर्ट अत्यंत महत्त्वाचा आहे, कारण तो 20-दिवसांच्या मूव्हिंग ऍव्हरेजवर आहे.

या पाचही शेअर्समध्ये तांत्रिकदृष्ट्या अद्याप तेजीचा ट्रेंड कायम असून गुंतवणूकदारांनी अल्प-ते-मध्यम कालावधीसाठी योग्य पातळीवर खरेदी केल्यास चांगला परतावा मिळू शकतो. मात्र, मुनाफावसुलीची शक्यता लक्षात घेऊन स्टॉप लॉससह गुंतवणूक करणे आवश्यक आहे.

अस्वीकरण: शेअर बाजार हा जोखमीच्या अधीन आहे. दैनिक प्रभात कोणालाही येथे गुंतवणूकीचा सल्ला देत नाही. गुंतवणूक करण्याआधी तज्ज्ञांचा सल्ला घ्यावा.