Iran-US:  होर्मुझच्या सामुद्रधुनीमध्ये व्यापारी जहाजांवर झालेल्या हल्ल्यांनंतर, अमेरिकेने इराणच्या पाच देशांवर एकाच वेळी हल्ले सुरू केले. इराणने अमेरिकेच्या लष्करी हल्ल्यांना प्रत्युत्तर दिले आहे.

इराणच्या परराष्ट्र मंत्रालयाने या हल्ल्यांचा निषेध करत, त्यांना संयुक्त राष्ट्रसंघाच्या सनदेचे उल्लंघन म्हटले आहे. इराणवरील हल्ल्यांमध्ये अमेरिकेला पाठिंबा देणाऱ्या कोणत्याही देशाविरुद्ध प्रत्युत्तर देण्याचा इशाराही दिला आहे.

इराणच्या परराष्ट्र मंत्रालयाने वॉशिंग्टनवर प्रादेशिक स्थैर्य धोक्यात आणणे, आंतरराष्ट्रीय कायद्याचे उल्लंघन करणे आणि शस्त्रसंधी कराराचे उल्लंघन केल्याचा आरोप केला आहे. तेहरानने संयुक्त राष्ट्रांना या हल्ल्यांसाठी अमेरिकेला जबाबदार धरण्याचे आवाहनही केले आहे.

इराणचा आखाती देशांना इशारा Iran-US: 

इराणने इशारा दिला आहे की, जो कोणताही देश तेहरानविरुद्ध लष्करी कारवाईसाठी आपल्या भूभागाचा किंवा सुविधांचा वापर करण्यास परवानगी देईल, त्याला बचावात्मक कारवाईसाठी एक वैध लक्ष्य मानले जाऊ शकते.

ट्रम्प यांच्या वक्तव्यावर तेहरानने काय म्हटले?

तेहरानने अमेरिकेचे अध्यक्ष डोनाल्ड ट्रम्प यांनी ओमानमधील मस्कत येथे नुकत्याच झालेल्या चर्चेच्या निकालाबाबत केलेली वक्तव्येही फेटाळून लावली असून, त्यांना “पूर्णपणे खोटे” म्हटले आहे.

इराणच्या परराष्ट्र मंत्रालयाने म्हटले आहे की, होर्मुझ सामुद्रधुनीचे व्यवस्थापन आणि आंतरराष्ट्रीय सागरी मार्गांच्या सुरक्षेशी संबंधित व्यवस्थांवर चर्चा केंद्रित होती.

संयुक्त राष्ट्र महासचिवांच्या वक्तव्यावर इराणचा आक्षेप

इराणच्या परराष्ट्र मंत्रालयाचे प्रवक्ते इस्माईल बाकाई यांनीही संयुक्त राष्ट्र महासचिवांच्या वक्तव्यावर आक्षेप घेतला आहे, ज्यात त्यांनी इराणच्या कृतींना “लष्करी संघर्ष” म्हटले आहे. तेहरानच्या मते हे चुकीचे आहे.

बाकाई यांच्या मते, अमेरिका आणि इस्रायलच्या हल्ल्यानंतर इराणने आत्मसंरक्षणाचा आपला कायदेशीर हक्क बजावला. त्यांनी सर्व देशांना आवाहन केले की, अमेरिकेला इराणवर हल्ला करण्यासाठी त्यांच्या भूभागाचा वापर करू देऊ नये. त्यांनी असेही म्हटले की “पर्शियन गल्फ” हे नाव संयुक्त राष्ट्रांच्या मार्गदर्शक तत्त्वांनुसार वापरले पाहिजे.

अमेरिकेने इराणच्या पाच प्रांतांवर हल्ला केला Iran-US: 

अमेरिकेच्या लष्कराने रविवारी इराणच्या पाच प्रांतांवर हल्ले केले, ज्यात होर्मोझगान, मरकझी, अहवाज, बुशेहर, खुझेस्तान आणि बलुचिस्तान-सिस्तान यांचा समावेश आहे. खुझेस्तानमध्ये एक व्यक्ती ठार झाली आणि पाच जण जखमी झाले.

सेंटकॉमने दिलेल्या वृत्तानुसार, अमेरिकेच्या लष्कराने इराणवर नवीन हल्ले केले असून, होर्मुझच्या सामुद्रधुनीमध्ये व्यापारी जहाजांना धमकावण्याची तेहरानची क्षमता कमी करण्याचा हा प्रयत्न असल्याचे म्हटले आहे.

अमेरिकेच्या लष्कराने सांगितले की, इराणी लष्कराला “जबाबदार” धरण्यासाठी आणि होर्मुझच्या सामुद्रधुनीमध्ये सुरक्षा सुनिश्चित करण्यासाठी राष्ट्राध्यक्ष डोनाल्ड ट्रम्प यांनी या कारवाईचे आदेश दिले.