IPL 2024 Final: आयपीएल 2024 चा अंतिम सामना 26 मे रोजी होणार आहे. विजेतेपदाच्या लढतीत कोलकाता नाईट रायडर्सचा सामना सनरायझर्स हैदराबादशी होणार आहे. अंतिम सामन्यापूर्वी शनिवारी चेन्नईमध्ये जोरदार पाऊस झाला. त्यामुळे केकेआरला त्यांचे सराव सत्र रद्द करावे लागले. आता शेवटच्या दिवशीही पाऊस पडण्याची भीती चाहत्यांना आहे.

केकेआरला शनिवारी संध्याकाळी 6 ते 9 या वेळेत नेट सराव करायचा होता. सराव सुरू होण्यापूर्वीच पाऊस पडला. मुसळधार पावसामुळे केकेआरला त्यांचे सराव सत्र रद्द करावे लागले. आता हा प्रश्न चाहत्यांमध्ये चर्चेचा विषय बनला आहे की अंतिम सामन्यात पाऊस पडला तर कोणत्या संघाला ट्रॉफी दिली जाणार? अंतिम फेरीसाठी राखीव दिवस आहे की नाही?

फायनलच्या दिवशी पाऊस पडला तर…

आयपीएल 2023 च्या अंतिम सामन्यादरम्यान देखील पाऊस पडला होता. मात्र, हा सामना राखीव दिवशी खेळवण्यात आला. आता या मोसमातही असे घडल्यास हा सामना दुसऱ्या दिवशी खेळवला जाऊ शकतो, परंतु बीसीसीआयने राखीव दिवसाची अधिकृत घोषणा केलेली नाही. त्याचबरोबर सामन्यात पाऊस पडल्यास किमान 5-5 षटकांचा सामना आयोजित करण्याचा प्रयत्न केला जाईल.

राखीव दिवस आहे की नाही?

हे शक्य नसल्यास सुपर ओव्हरद्वारे विजेता घोषित केला जाईल. हे देखील शक्य नसेल तर गुणतालिकेत अव्वल स्थानावर असलेला संघ म्हणजेच KKR जिंकेल. मात्र, चाहत्यांना आशा आहे की त्यांना संपूर्ण सामना पाहायला मिळेल. तसेच, रिझर्व्ह डे देखील अधिकृतपणे निश्चित केला जाऊ शकतो जेणेकरून क्रिकेट चाहत्यांना रोमांचक अंतिम सामना पाहता येईल.