Krunal Pandya and Nicholas Pooran Fight Video : आयपीएल २०२६ मधील ५० व्या सामन्यात लखनौ सुपर जाएंट्सने (LSG) आपल्या घरच्या मैदानावर, इकाना स्टेडियममध्ये गतविजेत्या आरसीबीचा डकवर्थ लुईस (DLS) नियमानुसार ९ धावांनी पराभव केला. मात्र, या सामन्यात लखनौच्या विजयापेक्षा आरसीबीचा अष्टपैलू खेळाडू क्रुणाल पंड्या आणि लखनौचा फलंदाज निकोलस पूरन यांच्यातील वादाची सोशल मीडियावर जोरदार चर्चा रंगली आहे. बाऊन्सरवरून रंगला कलगीतुरा – लखनौची फलंदाजी सुरू असताना १० व्या षटकात हा वाद पाहायला मिळाला. आरसीबीकडून क्रुणाल पंड्या गोलंदाजी करत होता, तर मैदानात निकोलस पूरन फलंदाजीला आला होता. क्रुणालने या षटकातील तिसरा चेंडू पूरनला बाऊन्सर टाकला, ज्यावर कोणतीही धाव घेता आली नाही. Things are heating up in this Revenge Week clash! 🔥 A contest within the contest is brewing between #NicholasPooran and #KrunalPandya! 👀#TATAIPL Revenge Week 2026 ➡️ #LSGvRCB | LIVE NOW 👉 https://t.co/gEprGnf2A7 pic.twitter.com/C2oqmrYF0X — Star Sports (@StarSportsIndia) May 7, 2026 त्यानंतर पुढचा चेंडूही क्रुणालने पुन्हा बाऊन्सर टाकला, ज्यावर पूरनने एक धाव घेतली.मात्र, नॉन-स्ट्रायकर एंडला पोहोचताच पूरनने क्रुणालला काहीतरी सुनावले. यावरून दोघांमध्ये शाब्दिक चकमक उडाली. परिस्थिती हाताबाहेर जाऊ नये म्हणून पंच आणि आरसीबीचा कर्णधार रजत पाटीदार यांनी तात्काळ मध्यस्थी करत दोघांना शांत केले. मैदाबाहेर पुन्हा दिसलं मैत्रीचं नातं – Nicholas Pooran and Krunal Pandya having a friendly banter? 😳 pic.twitter.com/hyYoj2J0d7 — Deepu (@deepu_drops) May 8, 2026 मैदानातील हा तणाव सामना संपेपर्यंतच होता. सामना संपल्यानंतर जेव्हा दोन्ही संघाचे खेळाडू हस्तांदोलन करत होते, तेव्हा क्रुणाल आणि पूरनचे एक वेगळेच रूप पाहायला मिळाले. पूरनने मजेशीर अंदाजात क्रुणालला धक्का दिला आणि त्याची मान पकडून काहीतरी गुपित सांगितले. दोघेही एकमेकांशी हसून खेळून गप्पा मारताना दिसले. हेही वाचा – Arshdeep Singh Vlogging Ban : बीसीसीआयने अर्शदीप सिंगचे टोचले कान; ‘व्लॉगिंग’वर घातली बंदी, नेमकं कारण काय? विशेष म्हणजे, आरसीबीमध्ये जाण्यापूर्वी क्रुणाल पड्या लखनौचाच भाग होता आणि त्याने पूरनसोबत अनेक सामने खेळले आहेत. त्यामुळेच त्यांच्यातील हे ‘मैदानी युद्ध’ केवळ खेळापुरते मर्यादित होते, हे या व्हिडीओवरून स्पष्ट झाले. या विजयामुळे लखनौ सुपर जाएंट्सने आयपीएल २०२६ च्या प्लेऑफच्या शर्यतीत आपले आव्हान अजूनही जिवंत ठेवले आहे, तर आरसीबीला या पराभवामुळे मोठा धक्का बसला आहे.
