Kolkata Knight Riders defeated Gujarat Titans : आयपीएल २०२६ च्या ६० व्या रोमांचक सामन्यात कोलकाता नाईट रायडर्सने गुजरात टायटन्सचा २९ धावांनी पराभव केला. कोलकात्याच्या ईडन गार्डन्स मैदानावर झालेल्या या सामन्यात गुजरातने विजय मिळवला असता, तर तो थेट प्लेऑफसाठी पात्र ठरणारा पहिला संघ बनला असता. मात्र, केकेआरच्या फलंदाजांनी रचलेल्या धावांच्या डोंगरामुळे शुबमन गिलच्या पलटणला पराभवाचा सामना करावा लागला. फिन ॲलनचे वादळ आणि केकेआरचा विक्रम गुजरातने नाणेफेक जिंकून आधी गोलंदाजीचा निर्णय घेतला होता, जो केकेआरच्या फलंदाजांनी पूर्णपणे चुकीचा ठरवला. केकेआरला सलामीवीर फिन ॲलनने अत्यंत स्फोटक सुरुवात करून दिली. अवघ्या ३५ चेंडूंमध्ये ९३ धावांची तुफानी खेळी करत त्याने गुजरातच्या गोलंदाजांना निष्प्रभ केले. अवघ्या ७ धावांनी त्याचे शतक हुकले, पण या खेळीत त्याने ४ चौकार आणि तब्बल १० उत्तुंग षटकार ठोकले. या १० षटकारांसह फिन ॲलनने यंदाच्या हंगामात २७ षटकार पूर्ण केले असून, केकेआरसाठी आपल्या पदार्पणाच्या हंगामात सर्वाधिक षटकार मारण्याचा फिल सॉल्टचा (२४ षटकार, २०२४) विक्रम मोडीत काढला आहे. How much did you enjoy the Gill vs Narine battle tonight? 🍿 Updates ▶️ https://t.co/m8jevRTt29#TATAIPL | #KhelBindaas | #KKRvGT | @KKRiders | @gujarat_titans pic.twitter.com/AMlmhl3ELV — IndianPremierLeague (@IPL) May 16, 2026 ॲलननंतर रघुवंशी आणि ग्रीनचा धुमाकूळ – A complete and utter demolition job at Eden Gardens 🔥 Updates ▶️ https://t.co/m8jevRTt29#TATAIPL | #KhelBindaas | #KKRvGT pic.twitter.com/937iZPcOnQ — IndianPremierLeague (@IPL) May 16, 2026 फिन ॲलन आणि अजिंक्य रहाणे बाद झाल्यानंतर ईडन गार्डन्सवर अंगकृष रघुवंशी आणि कॅमेरून ग्रीनचे वादळ आले. या दोघांनी अवघ्या ५२ चेंडूंमध्ये १०८ धावांची नाबाद आणि धुंवाधार भागीदारी रचली. रघुवंशीने ४४ चेंडूंत ८२ धावांची शानदार खेळी केली, तर अष्टपैलू कॅमेरून ग्रीनने अवघ्या २८ चेंडूंत ५२ धावा कुटल्या. या त्रिकुटाच्या अर्धशतकी खेळींच्या जोरावर कोलकाताने २० षटकांत २ विकेट्स गमावून २४७ धावांचा अवाढव्य डोंगर उभा केला. हेही वाचा – KKR Record : ईडन गार्डन्सवर केकेआरचा ऐतिहासिक ‘शतकी’ धमाका! आरसीबीनंतर अशी कामगिरी करणारा बनला देशातील दुसराच संघ गिल आणि बटलरची झुंज अपयशी – In a league of his own 🌟 Sunil Narine is the Player of the Match for his 2/29 in a high-scoring game 🏅 Glimpses of his spell: https://t.co/gm1s3efGoL#TATAIPL | #KhelBindaas | #KKRvGT pic.twitter.com/0duQLFBfwU — IndianPremierLeague (@IPL) May 16, 2026 प्रत्युत्तरात २४८ धावांच्या विशाल लक्षाचा पाठलाग करताना गुजरात टायटन्सच्या फलंदाजांनी कडवी झुंज दिली. कर्णधार शुबमन गिलने ४९ चेंडूंत ५ चौकार आणि ७ षटकारांच्या मदतीने ८५ धावांची आक्रमक खेळी केली. त्याला साथ देत जोस बटलरने ३५ चेंडूंत ५७ धावा ठोकल्या, तर फॉर्मात असलेल्या साई सुदर्शनने २८ चेंडूंत ५३ धावांची नाबाद खेळी केली. मात्र, केकेआरच्या धावसंख्येचा वेग इतका मोठा होता की गुजरातला २० षटकांत ४ बाद २१८ धावांपर्यंतच मजल मारता आली. केकेआरकडून सुनील नरीनने सर्वाधिक २ विकेट्स घेतल्या.
