Indigo Flight Crisis: इंडिगो एअरलाइन (Indigo Airline) गेल्या आठवड्यापासून मोठ्या ऑपरेशनल (Operational) संकटाचा सामना करत आहे. तांत्रिक बिघाड, कर्मचाऱ्यांची (Crew) कमतरता आणि नवीन FDT (Flight Duty Time) नियमांमुळे देशभरात शेकडो विमाने रद्द (Cancelled) होत आहेत किंवा उशिराने धावत (Delayed) आहेत. प्रवाशांना होणाऱ्या त्रासामुळे कंपनीचे मुख्य कार्यकारी अधिकारी (CEO) पीटर एल्बर्स (Pieter Elbers) यांनी जाहीरपणे माफी मागितली आहे. त्यांनी १० ते १५ डिसेंबरपर्यंत विमानांची सेवा पूर्णपणे सामान्य (Normal) होईल, अशी आशा व्यक्त केली आहे. ५ डिसेंबर हा सर्वात जास्त प्रभावित दिवस ठरला, ज्यात सुमारे १००० विमाने रद्द करावी लागली. परिस्थिती सुधारण्यासाठी आज (५ डिसेंबर) संपूर्ण सिस्टीम रीबूट (Reboot) करण्याचा निर्णय घेतला आहे. यामुळे आज सर्वाधिक विमाने रद्द झाली असली तरी, उद्यापासून (६ डिसेंबर) यात सुधारणा होईल आणि रद्द होणाऱ्या विमानांची संख्या कमी होईल, असे एल्बर्स यांनी स्पष्ट केले. दरम्यान, नागरिक उड्डयन मंत्री (Civil Aviation Minister) राम मोहन नायडू यांनी या अडथळ्यांच्या उच्चस्तरीय चौकशीचे (High-level Investigation) आदेश दिले आहेत. DGCA ने इंडिगो विरोधात तपास सुरू केला असून, १५ दिवसांत अहवाल सादर करण्याचे निर्देश दिले आहेत. प्रवाशांना दिलासा देण्यासाठी रेल्वेने काही मार्गांवर विशेष गाड्या (Special Trains) आणि एसी कोचची संख्या वाढवली आहे.
