Asian Games 2023: आशियाई गेम्समधील भारताची मोहीम संपली असून या स्पर्धेत भारताने सर्वोत्तम कामगिरी केली आहे. आशियाई खेळ 2023 मध्ये भारतीय खेळाडूंनी तब्बल 107 पदके जिंकली आहेत. खरे तर आशियाई क्रीडा स्पर्धेच्या इतिहासात प्रथमच भारताने 100 पदकांचा टप्पा ओलांडला आहे.
भारताने 28 सुवर्ण, 38 रौप्य आणि 41 कांस्य पदके जिंकली आहेत. पदकतालिकेत भारत चौथ्या स्थानावर आहे. पदकतालिकेत पहिल्या क्रमांकावर चीन, दुसऱ्या क्रमांकावर जपान तर तिसऱ्या क्रमांकावर दक्षिण कोरिया आहे.
1 ते 14 दिवस… अशी होती भारताची कामगिरी –
आशियाई क्रीडा स्पर्धेच्या पहिल्या दिवशी भारतीय खेळाडूंनी 5 पदके जिंकून शानदार सुरुवात केली. यानंतर दुसऱ्या दिवशी भारताने 6 पदके जिंकली. तर तिसऱ्या, चौथ्या आणि पाचव्या दिवशी भारताने अनुक्रमे 3, 8 आणि 3 पदकांवर कब्जा केला.
भारतीय खेळाडूंच्या उत्कृष्ट कामगिरीचा क्रम इथेच थांबला नाही… सहाव्या, सातव्या, आठव्या आणि नवव्या दिवशी भारताने अनुक्रमे 8, 5, 15 आणि 7 पदके जिंकली. भारतीय खेळाडूंनी दहाव्या, अकराव्या, बाराव्या, तेराव्या आणि चौदाव्या दिवशी अनुक्रमे 9, 12, 5, 9 आणि 12 पदके जिंकली आहेत.
Celebrating the incredible milestone of 1⃣0⃣7⃣ medals from Team 🇮🇳 at #AsianGames2022
Our hearts swell with pride as our talented athletes turn the dream of #IssBaar100Paar into reality🤩
Many congratulations to everyone🥳👏#Cheer4India#HallaBol#JeetegaBharat#BharatAtAG22 pic.twitter.com/dahu0zItF4
— SAI Media (@Media_SAI) October 7, 2023
भारताची सर्वोत्तम कामगिरी, पण पदकतालिकेत चीनचा दबदबा –
यापूर्वी भारताने आशियाई क्रीडा स्पर्धा 2028 मध्ये सर्वोत्तम कामगिरी केली होती. जकार्ता आशियाई क्रीडा स्पर्धेत भारताने 70 पदके जिंकली होती. पण आता भारतीय खेळाडूंनी आपले जुने विक्रम मागे टाकले आहेत. मात्र, 2023 च्या आशियाई क्रीडा स्पर्धेत चीनचा दबदबा दिसून आला.
चीनने 194 सुवर्णांसह 368 पदके जिंकली. यानंतर जपानने 48 सुवर्णांसह 177 पदके जिंकली. दक्षिण कोरिया 39 सुवर्ण पदकांसह तिसर्या स्थानावर आहे. तर भारत चौथ्या स्थानावर आला आहे.