Passenger Vehicles : सरलेल्या 2025-26 या आर्थिक वर्षात भारतात वाहन कंपन्यांनी 47 लाख प्रवासी वाहनांची विक्री केली आहे. सप्टेंबर महिन्यात जीएसटी परिषदेने दर कपात केल्यामुळे या आर्थिक वर्षाच्या दुसर्या सहा महिन्यांमध्ये वाहन विक्री वाढण्यास मदत झाली. याचा लाभ मारुती, टाटा मोटर्स, महिंद्रा या कंपन्यांना झाला. गेल्या वर्षी 43.4 लाख प्रवासी वाहनांची विक्री झाली होती. जीएसटी दरात कपात होण्याबरोबरच रिझर्व बँकेने व्याजदरातही कपात केली होती. याचा फायदा ग्राहकांनी करून घेतला. मारुती सुझुकीची विक्री या वर्षात 24 लाख युनिट झाली. गेल्या वर्षी विक्री 22.34 लाख युनिट होती. या वर्षात टाटा मोटर्सची विक्री 15 टक्क्यांनी वाढून 6.4 लाख युनिट झाली आहे. यावर्षी महिंद्रा कंपनीची विक्री 20 टक्क्यांनी वाढून 6.60 लाख युनिट झाली. जी की गेल्या वर्षी 5.51 लाख युनिट होती. टोयाटो किर्लोस्कर मोटार कंपनीची विक्री यावर्षी 20 टक्क्यांनी वाढून 4.06 लाख युनिट झाली. जी की गेल्या वर्षी 3.37 लाख युनिट होती. ह्युंदाई मोटार इंडिया कंपनीची जानेवारी ते मार्च या तिमाहित विक्री 8.7 टक्क्यांनी वाढून 2.08 लाख युनिट झाली. किया इंडिया या कंपनीची जानेवारी ते मार्च या तिमाहीतील विक्री 11.6 टक्क्यांनी वाढून 84,316 युनिट झाली आहे. गेल्या वर्षी या तिमाहित ही संख्या 75,576 युनिट होती. जानेवारी ते मार्च या तिमाहीत स्कोडा ऑटो इंडिया या कंपनीची विक्री 17 टक्क्यांनी वाढून 20,028 युनिट झाली. गेल्या वर्षी या तिमाहीत या कंपनीचे 17,138 वाहने विकली गेली होती. दरम्यान मार्च महिन्यामध्ये ईर्स्काट्स कुबोटा ट्रॅक्टरची विक्री 6.6 टक्क्यांनी वाढून 12,119 युनिट झाली आहे. रेनॉल्ट इंडिया या कंपनीची मार्च महिन्यातील घाऊक विक्री 77 टक्क्यांनी वाढवून 5,046 युनिट झाली. मार्च महिन्यात अशोक लेलँड या कंपनीचे विक्री पाच टक्क्यांनी वाढून 25,381 युनीट झाली. होंडा मोटरसायकल अँड स्कूटर्स इंडिया या कंपनीची मार्च महिन्यातील विक्री 29 टक्क्यांनी वाढून 5.49 लाख युनिट झाली आहे. मार्च महिन्यात जेएसडब्ल्यू एमजी मोटारची विक्री 19 टक्क्यांनी वाढून 6,528 झाली.
