Indian Armed Force Operation Sindoor।  जम्मू आणि काश्मीरमधील पहलगाममध्ये २२ एप्रिल रोजी दहशतवाद्यांनी नि:शस्त्र आणि निष्पाप पर्यटकांना लक्ष्य करून त्यांच्यावर गोळ्या झाडल्या. यानंतर देशात संतापाची लाट दिसून आली. आता ७ मे २०२५ रोजी भारताने ‘ऑपरेशन सिंदूर’ अंतर्गत पाकिस्तान आणि पीओकेमध्ये स्ट्राइक केला. यामध्ये ९ दहशतवादी अड्डे उद्ध्वस्त केले. ही कारवाई भारतीय लष्कर, हवाई दल आणि नौदलाने संयुक्तपणे केली.

भारताने दहशतवादाविरुद्धच्या लढाईला एक नवे वळण देऊन ‘ऑपरेशन सिंदूर’ सुरू केले. २६ निष्पाप पर्यटकांना ठार मारणाऱ्या दहशतवाद्यांच्या मालकांच्या लपण्याच्या ठिकाणांवर भारतीय सैन्याने विनाशकारी हल्ला केला आणि सुमारे ९०० दहशतवाद्यांना त्यांच्या खऱ्या जागी पाठवले. भारताच्या तिन्ही सैन्याने एकत्रितपणे ही कारवाई केली.

पाकिस्तान आणि पीओकेमधील या ठिकाणी कहर  Indian Armed Force Operation Sindoor। 

बहावलपूरमध्ये २५० हून अधिक, मुरीदकेमध्ये १२० हून अधिक, मुझफ्फराबादमध्ये ११०-१३०, कोटलीमध्ये ७५-८०, सियालकोटमध्ये १००, गुलपूरमध्ये ७५-८०, भिंबरमध्ये ६० आणि चक अमरूमध्ये ७०-८० दहशतवादी मारले गेल्याची भीती आहे. सकाळी १० वाजता पत्रकार परिषदेद्वारे लष्कर संपूर्ण प्रकरणाची माहिती देईल. दरम्यान, पाकिस्तानी सैन्याने सांगितले की भारताने मुरीदके येथे ४, शकरगढ येथे २ आणि सियालकोट येथे २ क्षेपणास्त्रे डागली.

या हल्ल्यांमध्ये पाकिस्तान आणि पाकव्याप्त काश्मीर (पीओके) मधील पायाभूत सुविधांना लक्ष्य करण्यात आले होते जिथून भारताविरुद्ध दहशतवादी हल्ले आखण्यात आले आणि निर्देशित केले गेले. घाबरलेल्या पाकिस्तानने या हल्ल्यांना युद्धाचे कृत्य म्हटले.

लष्कराने म्हटले, न्याय झाला Indian Armed Force Operation Sindoor। 

भारताने पाकिस्तानवर लष्करी हल्ल्याचे पहिले संकेत लष्कराने X वरील पाच शब्दांच्या पोस्टमध्ये दिले होते. पोस्टमध्ये म्हटले होते, “न्याय झाला आहे. जय हिंद!” यासोबतच, लष्कराने “रेडी टू अ‍ॅटॅक, ट्रेन्ड टू विन” या शीर्षकाचा लष्करी सराव करतानाचा व्हिडिओ देखील जारी केला.