नवी दिल्ली – चीनच्या गूढ आजाराचे रुग्ण भारतात सापडल्याचा दावा सरकारने फेटाळला आहे. सरकारने गुरुवारी एक निवेदन जारी करून म्हटले आहे की, एम्स दिल्लीतून प्राप्त झालेले सर्व रुग्ण साध्या न्यूमोनियाचे आहेत. याचा चीनमधील आजाराशी काहीही संबंध नाही. जानेवारी २०२३ पासून, एआयआयएमएस च्या मायक्रो बायोलॉजी विभागात ६११ नमुन्यांची चाचणी घेण्यात आली आहे आणि त्यापैकी कोणत्याहीमध्ये मायको प्लाझ्मा न्यूमोनिया आढळून आलेला नाही. यावर आरोग्य मंत्रालय लक्ष ठेवून आहे. यापूर्वी, काही मीडिया रिपोर्ट्समध्ये एम्समधून चीनच्या गूढ आजाराची ७ प्रकरणे नोंदवली गेली आहेत, असा दावा करण्यात आला होता. एप्रिल ते सप्टेंबर दरम्यान हे रुग्ण भारतात आढळून आल्याचे अहवालात म्हटले होते. चीनमध्ये पहिल्यांदाच ऑक्टोबरमध्ये मायकोप्लाझ्मा न्यूमोनियाचे रुग्ण आढळून आले. २३ नोव्हेंबर रोजी, चिनी माध्यमांनी प्रथमच शाळांमध्ये गूढ आजार पसरल्याबद्दल बोलले होते. बाधित मुलांमध्ये फुफ्फुसात जळजळ, खूप ताप, खोकला आणि सर्दी यांसारखी लक्षणे दिसून येतात. त्याच वेळी, भारतीय आरोग्य मंत्रालयाने १० दिवसांपूर्वी या आजाराबाबत राज्ये आणि केंद्रशासित प्रदेशांना एक मार्गदर्शक सुचना जारी केली होती. चीनमध्ये दररोज १२०० रुग्ण या गूढ आजारामुळे चीनची राजधानी बीजिंगमधील आणि ५०० मैलांच्या (सुमारे ८०० किमी) परिघात सर्व रुग्णालये रुग्णांनी भरलेली आहेत. अल जझीराच्या म्हणण्यानुसार, बीजिंगमधील रुग्णालयात दररोज या आजाराने ग्रस्त सुमारे १२०० रुग्ण आपत्कालीन स्थितीत दाखल होत आहेत.
