INDIA Block on Bihar SIR। काँग्रेस खासदार राहुल गांधी यांच्या नेतृत्वाखाली इंडिया अलायन्सचे खासदार आज दिल्लीत विशेष गहन आढावा (SIR) विरोधात निदर्शने करणार असल्याचे सांगण्यात येत आहे. संसद भवन ते निवडणूक आयोग कार्यालयापर्यंत मेगा मार्च काढण्याची तयारी ३०० विरोधी खासदार करत आहेत, मात्र या मोर्चाला दिल्ली पोलिसांनी त्यासाठी परवानगी नाकारली आहे.

काँग्रेस अध्यक्ष मल्लिकार्जुन खरगे, समाजवादी पक्षाचे प्रमुख अखिलेश यादव, तृणमूल काँग्रेसचे खासदार अभिषेक बॅनर्जी हे देखील या मोर्चात सहभागी होणार आहेत. दिल्ली पोलिसांनी, “विरोधकांनी मोर्चासाठी परवानगी घेतलेली नाही” असे म्हटले आहे. तसेच राहुल गांधी यांनी अलीकडेच निवडणूक आयोग आणि भारतीय जनता पक्षावर गंभीर आरोप केले आहेत. राहुल म्हणाले होते की,”दोघेही मिळून लोकशाहीची हत्या करत आहेत.” त्यांनी SIR वर नाराजीही व्यक्त केली होती.

विरोधी खासदारांसाठी ‘डिनर मीटिंग’  INDIA Block on Bihar SIR। 

एका वृत्तसंस्थेच्या वृत्तानुसार, विरोधी खासदारांसाठी दुसरी डिनर मीटिंग आयोजित करण्यात आली आहे, जी दिल्लीतील चाणक्यपुरी याठिकाणी हॉटेल ताज पॅलेसमध्ये होणार आहे. इंडिया अलायन्सचे सर्व खासदार त्यात सहभागी होण्याची अपेक्षा आहे. यापूर्वी इंडिया अलायन्सचे नेते राहुल गांधी यांच्या निवासस्थानी जमले होते.

राहुल गांधींचे निवडणूक आयोगावर काय आरोप?

राहुल गांधी यांनी अलिकडेच पत्रकार परिषद घेऊन महाराष्ट्र निवडणुकीत निवडणूक आयोगावर हेराफेरीचा आरोप केला होता. त्यांनी मतदार यादीतील अनियमिततेबद्दलही भाष्य केले होते. याला उत्तर म्हणून निवडणूक आयोगाने राहुल यांना पुरावे सादर करण्यास सांगितले होते. आयोगाने म्हटले होते की, जर आरोप चुकीचे सिद्ध झाले तर त्यांना माफी मागावी लागेल. निवडणूक आयोगाने कायदेशीर कारवाईचीही चर्चा केली होती.

विरोधी पक्ष मुंबईतही निषेध करणार  INDIA Block on Bihar SIR। 

इंडिया आघाडी महाराष्ट्रात मत चोरीचा मुद्दाही उपस्थित करणार आहे. आज उद्धव ठाकरे आणि महाविकास आघाडीच्या नेत्यांच्या नेतृत्वाखाली निषेध करण्यात येणार आहे.