Independence Day 2025। देश आज १५ ऑगस्ट २०२५ रोजी ७९ वा स्वातंत्र्यदिन साजरा करत आहे. पंतप्रधान नरेंद्र मोदी दिल्लीतील ऐतिहासिक लाल किल्ल्यावरून देशाला संबोधित करणार आहेत. स्वातंत्र्याच्या उत्सवाच्या पार्श्वभूमीवर देशभरात सुरक्षा व्यवस्था कडक करण्यात आली आहे. दिल्लीतही सुरक्षा दल सतर्क आहेत. पंतप्रधान मोदी पदावर असताना त्यांचे १२ वे भाषण देतील.

समोर आलेल्या माहितीनुसार, पंतप्रधान मोदी सकाळी ७.२१ वाजता लाल किल्ल्यावर पोहोचतील. त्यानंतर सकाळी ७.३० वाजता राष्ट्रध्वज तिरंगा फडकवला जाणार आहे. ध्वजारोहणानंतर राष्ट्रगीत गायले जाईल. देशाच्या तिन्ही सैन्यांकडून ‘गार्ड ऑफ ऑनर’ दिला जाईल. त्याच वेळी २१ तोफांची सलामी दिली जाईल. पंतप्रधान मोदींचे भाषणही यानंतर होईल. स्वातंत्र्यदिनाच्या सोहळ्यासाठी अनेक खास पाहुण्यांना आमंत्रित करण्यात आले आहे.

स्वातंत्र्यदिनाच्या सोहळ्यासाठी लाल किल्ला सजला Independence Day 2025। 

७९ व्या स्वातंत्र्यदिनाच्या सोहळ्यासाठी आज लाल किल्ला पूर्णपणे सजवण्यात आला आहे. पंतप्रधान नरेंद्र मोदी लाल किल्ल्याच्या तटबंदीवरून देशाला संबोधित करणार आहेत .

कडक सुरक्षा व्यवस्था Independence Day 2025। 
दिल्ली-एनसीआरसह संपूर्ण देशात कडक सुरक्षा व्यवस्था करण्यात आली आहे. पोलिसांसह सर्व सुरक्षा दल सतर्क आहेत. अनेक ठिकाणी तपासणी देखील सुरू आहे.