T20 World Cup 2024 : न्यूयॉर्कमध्ये पाऊस थांबला, सामना पुन्हा सुरू…
T20 World Cup 2024 (IND vs PAK Live Updates) : आज टी-20 विश्वचषक 2024 च्या 19 व्या सामन्यात भारताचा सामना कट्टर प्रतिस्पर्धी पाकिस्तानशी होत आहे. न्यूयॉर्कमधील नासाऊ काउंटी इंटरनॅशनल स्टेडियमवर हा सामना होणार आहे. मागील सामन्यात विजय मिळवून भारतीय संघ येथे पोहोचला आहे, तर गेल्या सामन्यात पाकिस्तानला अमेरिकेविरुद्ध पराभवाचा सामना करावा लागला होता. आज दोन्ही संघांमध्ये चुरशीची स्पर्धा पाहायला मिळणार आहे.
IND vs PAK Live Updates (09: 20 PM (IST) . 09 Jun 2024) : सामना रात्री साडेनऊ वाजता सुरू होईल
सामना रात्री साडेनऊ वाजता सुरू होईल. पंचांनी मैदानाची पाहणी करून काही वेळाने सुरू करण्याच्या सूचना दिल्या. पाऊस थांबला आहे. न्यूयॉर्कमधील नासाऊ काउंटी स्टेडियममध्ये मोठ्या संख्येने चाहते पोहोचले आहेत.
IND vs PAK Live Updates (09:17 PM (IST) . 09 Jun 2024) : पाऊस थांबला
पाऊस थांबला आहे. मैदानावरून कव्हर काढले आहेत. पंचांनी मैदानाची पाहणी केली. षटके कमी केली जातात की नाही हे पाहणे बाकी आहे.
IND vs PAK Live Updates (09:00 PM (IST) . 09 Jun 2024) : पुन्हा सुरू झाला पाऊस…
पावसामुळे भारत-पाक सामन्यात वारंवार व्यत्यय येत आहे. सामना सुमारे एक तास उशिरा सुरू झाला आणि एक ओव्हर खेळण्यात आली तेव्हा अचानक पुन्हा पाऊस सुरू झाला. सध्या खेळ थांबवला आहे. एका षटकात भारताची धावसंख्या एकही विकेट न पडता आठ धावा आहे.
IND vs PAK Live Updates (08:57 PM (IST) . 09 Jun 2024) : पहिल्या षटकात आल्या 8 धावा..
पाकिस्तानसाठी शाहीन आफ्रिदीने पहिले षटक टाकले. या षटकाच्या पहिल्या चेंडूवर दुहेरी धाव आली. त्यानंतर तिसऱ्या चेंडूवर रोहितने शानदार पुल शॉटवर षटकार ठोकला. मात्र, शेवटच्या चेंडूवर तो थोडक्यात बचावला. शाहीनने एलबीडब्ल्यूचे जोरदार आवाहन केले. मात्र, चेंडू बॅटच्या बाहेरील काठाने पॅडला लागला. अशा परिस्थितीत बाबर आझम याने डीआरएस घेतला नाही.
IND vs PAK Live Score (8:06 PM · Jun 9, 2024) : दोन्ही संघांची प्लेइंग-11 खालीलप्रमाणे…
भारत : रोहित शर्मा (कर्णधार), विराट कोहली, ऋषभ पंत (यष्टीरक्षक), सूर्यकुमार यादव, शिवम दुबे, हार्दिक पांड्या, रवींद्र जडेजा, अक्षर पटेल, जसप्रीत बुमराह, मोहम्मद सिराज, अर्शदीप सिंग.
पाकिस्तान : मोहम्मद रिझवान (यष्टीरक्षक), बाबर आझम (कर्णधार), उस्मान खान, फखर जमान, शादाब खान, इफ्तिखार अहमद, इमाद वसीम, शाहीन आफ्रिदी, हरिस रौफ, नसीम शाह, मोहम्मद अमीर.
IND vs PAK Live Updates (8:02 PM · Jun 9, 2024) : बाबर आझमने जिंकला टाॅस…
पाकिस्तानचा कर्णधार बाबर आझमने नाणेफेक जिंकून प्रथम गोलंदाजी करण्याचा निर्णय घेतला आहे. म्हणजेच आता टीम इंडिया प्रथम फलंदाजी करताना दिसणार आहे. बाबर आझमचा संघ आज एका बदलासह दाखल झाला आहे. आझम खानच्या जागी इमाद वसीमचे संघात पुनरागमन झाले आहे. भारतीय संघात कोणताही बदल केलेला नाही.
दोन्ही संघ सात वेळा आमनेसामने
दरम्यान, टी-20 विश्वचषकात भारताचा पाकिस्तानविरुद्ध उत्कृष्ट विक्रम आहे. 2007 पासून या स्पर्धेत दोन्ही संघ सात वेळा आमनेसामने आले आहेत. यापैकी भारताने सहा वेळा तर पाकिस्तान संघाने एकदा विजय मिळवला आहे. त्याच वेळी, एकूण टी-20 मध्ये दोन्ही संघांमध्ये 12 सामने झाले आहेत. भारताने आठ वेळा आणि पाकिस्तानने तीन वेळा विजय मिळवला आहे. 2007 मध्ये, एक सामना टाय झाला होता, जो टीम इंडियाने बाॅल आउटमध्ये जिंकला होता. म्हणजेच टीम इंडियाने एकूण 12 पैकी नऊ जिंकले आहेत.
