राज्यात सध्या आरक्षणावरून मराठा विरुद्ध ओबीसी हा वाद मोठ्या प्रमाणात पेटला आहे. महाराष्ट्रातील बीड जिल्ह्यातील केज-लातूर आणि अहमदनगर-अहमदपूर राष्ट्रीय महामार्गावर ओबीसी समाजाने रस्त्यावर टायर जाळून निषेध केला.ओबीसी कोट्यातून मराठा आरक्षणाला विरोध होत आहे. यादरम्यान एआयएमआयएमचे प्रमुख व हैदराबादचे खासदार असदुद्दीन ओवैसी यांनी या घटनेनंतर केंद्रातील एनडीए सरकारवर हल्ला चढवला आहे. त्यांनी केंद्र सरकारवर जोरदार टीका केली आहे.

चुनाव के दौरान मोदी कहते थे कि OBC, SC, ST समाज के आरक्षण को मुसलमानों से ख़तरा है। OBC और मराठा समाज के बीच, आरक्षण को लेकर आज तनाव बन चुका है क्योंकि आरक्षण की सीमा 50% तक सीमित कर दी गई है। भारत के अल्पसंख्यक, पिछड़ों, अतिपिछड़ों को सूखी रोटी के लिए लड़ाया जा रहा है और मलाई… https://t.co/qguzNfxtI9

— Asaduddin Owaisi (@asadowaisi) June 22, 2024

काय म्हणाले असदुद्दीन ओवैसी?
आरक्षणाची मर्यादा 50 टक्क्यांपर्यंत मर्यादित करण्यात आली आहे, भारतातील अल्पसंख्याक, मागासवर्गीय आणि मागासवर्गीय लोकांना त्यांच्या ब्रेड आणि बटरसाठी लढायला लावले जात आहे आणि 400-पार सरकार मलई खात आहे. आगामी संसदेच्या अधिवेशनात दुरुस्ती करून 50 टक्के मर्यादा हटवावी, अशी मागणी असदुद्दीन ओवैसी यांनी ट्विटरद्वारे केली आहे.

बिहारमधील सरकारी नोकऱ्या आणि शैक्षणिक संस्थांमधील आरक्षण 50 टक्क्यांवरून 65 टक्क्यांपर्यंत वाढवण्याचा निर्णय पाटणा उच्च न्यायालयाकडून रद्द करण्यात आला. यानंतर महाराष्ट्रात मराठा आणि ओबीसी आरक्षणाचा मुद्दा जोर धरू लागला आहे. मनोज जरांगे यांनी अधिसूचनेची अंमलबजावणी करण्याच्या मागणी केल्यानंतर ओबीसींकडून आंदोलन सुरु करण्यात आले. त्यामुळे ओबीसींच्या मुद्द्यावरून बेमुदत उपोषणाला बसलेले लक्ष्मण हाके आणि मनोज जरंगे-पाटील यांच्यात वाद रंगला आहे. महाराष्ट्र सरकार मराठा आणि इतर मागासवर्गीय (ओबीसी) समुदायांमध्ये तेढ निर्माण करण्याचा प्रयत्न करत असल्याचा आरोप मनोज जरंगे यांनी केला आहे. सरकारमध्ये मराठा समाजाचा द्वेष करणारे 8-9 लोक असून त्यांची नावे योग्य वेळी जाहीर केली जातील, असेही मनोज जरांगे यावेळी म्हणाले.