Meeting of MLAs of Shiv Sena Ubatha group : १९ जून रोजी शिवसेना उद्धव बाळासाहेब ठाकरे पक्षाचा मुंबईतील माटुग्यांच्या ष्णमुखानंत सभागृहात वर्धापन दिनाचा कार्यक्रम पार पडला. या वर्धापन दिनाच्या कार्यक्रमातून उबाठा गटाचे प्रमुख उद्धव ठाकरे यांनी भाजपसह एकनाथ शिंदे यांना लक्ष्य केले.

आगामी स्थानिक स्वराज्य संस्थांच्या निवडणुकीच्या पार्श्वभूमीवर उद्धव ठाकरे यांनी शिवसैनिकांमध्ये जोश निर्माण केला आहे. अशातच आता मुंबईतील एका पंचतारांकित हॅाटेलमध्ये पक्षातील विधानसभा आणि विधानपरिषदेतील आमदारांची महत्वाची बैठक पार पडली. या बैठकीत आगामी स्थानिक स्वराज्य संस्थांच्या निवडणुसाठी रणनीत ठरवण्यात बाबतच्या सूचना उद्धव ठाकरे यांनी दिल्या आहेत.

तसेच पुढचे तीन चार महिने पक्षाकडे विशेष लक्ष द्या अशा सूचना त्यांनी केल्या आहेत. महापालिका निवडणुकीत आपले उमेदवार अधिकाधिक निवडून आणण्यासाठी प्रयत्न करा, ज्या ठिकाणी आपला आमदार खासदार नाही त्या ठिकाणी स्थानिक नेत्यांनी लक्ष द्यावे, असे उद्धव ठाकरेंनी या बैठकीत सांगितले. उद्धव ठाकरे यांच्याकडून आमदारांना स्नेहभोजनाचे आमंत्रण देण्यात होते.

सर्वसामान्यांचे प्रश्न मांडा

३० जूनपासून राज्य विधीमडंळाचे पावसाळी अधिवेशन सुरू होणार आहे. यामुळे यासंदर्भातही अधिवेशनात आमदारांनी काय करावे याविषयीचे मार्गदर्शन उद्धव ठाकरे यांनी आमदारांना केले. तसेच सभागृहात सर्वसामान्यांचे प्रश्न मांडा, असे देखील उद्धव ठाकरे यांनी आमदारांना सांगितले आहे. काल दुपारी उद्धव ठाकरे यांनी जिल्हाप्रमुख आणि संपर्कप्रखांची बैठक देखील घेतली. या बैठकीत उद्धव ठाकरे यांनी मतदार याद्यांचा अभ्यास करण्याच्या सूचना दिल्या आहेत.

हेही वाचा: ADR Report : लोकसभा निवडणुकीत कोणत्या पक्षाने किती खर्च केला; एडीआरच्या अहवालातील आकडेवारी समोर, जाणून घ्या सविस्तर..