भाजपकडेच महत्वाची खाती? राजकीय वर्तुळात चर्चा

मुंबई – राज्यमंत्रीमंडळाच्या विस्तारानंतर आज राज्यातील मंत्रिमंडळाचे खातेवाटप जाहीर झाले आहे. त्यानुसार, उपमुख्यमंत्री देवेंद्र फडणवीसांकडे गृह तसेच अर्थमंत्रालयाची जबाबदारी देण्यात आली आहे. राष्ट्रवादीकडील महत्त्वाची खाती ही देवेंद्र फडणवीसांकडे आल्याचे दिसते आहे. मुख्यमंत्र्यांकडे सामान्य प्रशासन तसेच नगरविकास खाते आहे.

राज्यपाल भगतसिंग कोश्यारी यांनी मंजुरी दिल्यानंतर हे खातेवाटप जाहीर करण्यात आले आहे. त्यानुसार देवेंद्र फडणवीसांकडे गृह मंत्रालय, अर्थ मंत्रालय, उर्जा तसेच जलसंपदा खात्याची जबाबदारी देण्यात आली आहेत. तसेच महसूल खात्याची जबाबदारी राधाकृष्ण विखे पाटील यांच्याकडे देण्यात आली आहे. खातेवाटपानंतर महत्वाची खाती ही भाजपकडेच असल्याची चर्चा आता सुरु झाली आहे.