Pune Rain : मुंबईसह राज्यभरात अनेक जिल्ह्यांमध्ये पावसाने हाहाकार केला आहे. धुव्वादार पावसामुळे मुंबईतील जनजीवन पूर्णपणे विस्कळित झालं आहे. मुंबईची लाइफलाईन समजल्या जाणाऱ्या लोकल सेवेवर देखील पावसाचा परिणाम झाला आहे. अनेक सकल भागात पावसाचे पाणी साचले आहे. खबरदारीचा उपाय म्हणून नागरिकांना आवश्यकता असेल तरच घराबाहेर पडण्याच्या सूचना देण्यात आल्या आहेत. नवी मुंबईतली शाळांना सुट्टी जाहीर करण्यात आली आहे. सोमवारपासून पुणे शहरात देखील पावसाने कहर केला आहे. पावसाची संततधार सुरूच आहे. या पावसामुळे पुणेकरांची पाण्याची चिंता मिटले आहे. पण पुढील काही दिसत पाऊस असाच सुरू राहिल तर धरणातील पाण्याचा विसर्ग वाढवला जाणार आहे. यामुळे पूरस्थिती देखील निर्माण होऊ शकते, पण सध्या तरी अशी स्थिती निर्माण झालेली नाही. या पार्श्वभूमीवर पुणे जिल्हाधिकारी जितेंद्र डुडी यांनी महत्वाची माहिती दिली आहे. काय म्हणाले जिल्हाधिकारी जितेंद्र डुडी? मागच्या दोन दिवसांपासून पुणे शहराच्या घाटमाथ्यावर जोरदार पाऊस होत आहे. रेड अलर्ट जारी करण्यात आला आहे. तर इतर भागात अॅारेंज आणि येलो अलर्ट देण्यात आला आहे. अद्याप तसा काही प्रोब्लेम दिसत नाही. मात्र, शहरी भागात लक्ष देण्याची आवश्यता असल्याचे जिल्हाधिकारी जितेंद्र डुडी म्हणाले आहेत. पण जर पाऊस वाढला तर… धरणातून जास्त पाण्याचा विसर्ग केला तर पूरस्थिती येऊ शकते. त्यामुळे आम्ही पाटबंधारे विभागातील अधिकाऱ्यांसोबत चर्चा करत आहोत. अजून काही तशी परिस्थिती आलेली नाही, पण जर पाऊस वाढला तर धरणातील पाण्याचा विसर्ग वाढविण्यात येईल. यामुळे परिस्थिती उद्भवू शकते. यामुळे जे पूरस्थिती रेषेत येतात, त्यांना हलविण्याची गरज भासू शकते. तशी परस्थिती उद्धभवल्यास तशी सूचना प्रशासनाकडून देण्यात येईल, सध्या तशी आवश्यकता वाटत नाही, असं जिल्हाधिकाऱ्यांनी सांगितलं आहे. पोलीस आयुक्तांचे आवाहन पुणेकरांनो, सुरक्षिततेला प्राधान्य द्या! शहरात मुसळधार पावसाचा जोर कायम आहे. ठिकठिकाणी पाणी साचले आहे. अत्यावश्यक कारणाशिवाय घराबाहेर पडणे टाळा. कोणत्याही आपत्कालीन परिस्थितीत त्वरित ११२ या हेल्पलाईन क्रमांकावर संपर्क साधा, असं आवाहन पुणे पोलीस आयुक्त अमितेश कुमार यांनी केलं आहे. पुणेकरांनो, सुरक्षिततेला प्राधान्य द्या! शहरात मुसळधार पावसाचा जोर कायम आहे. ठिकठिकाणी पाणी साचले आहे. अत्यावश्यक कारणाशिवाय घराबाहेर पडणे टाळा. कोणत्याही आपत्कालीन परिस्थितीत त्वरित ११२ या हेल्पलाईन क्रमांकावर संपर्क साधा.#MonsoonUpdates #TakeCare #PuneMonsoon — CP Pune City Police (@CPPuneCity) August 19, 2025 हेही वाचा : The Bengal Files:’द बंगाल फाईल्स’ या चित्रपटाचं ट्रेलर रिलीज होताच वाद सुरु झाला ; विवेक अग्निहोत्री विरोधात एफआयआर दाखल
