Team India No 1 ICC Annual Team Ranking 2026 : आयसीसीने (ICC) नुकतीच वार्षिक क्रिकेट रँकिंग जाहीर केली असून, यामध्ये भारतीय संघाने मर्यादित षटकांच्या क्रिकेटमध्ये आपले वर्चस्व सिद्ध केले आहे. भारताने मेन्स वनडे आणि टी-२० आंतरराष्ट्रीय क्रमवारीत आपले अव्वल स्थान कायम राखले असून जगाला आपल्या ताकदीची प्रचिती दिली आहे. मात्र, कसोटी क्रिकेटमध्ये ऑस्ट्रेलियन संघाने आपली नंबर-१ ची खुर्ची कायम राखली आहे. टी-२० मध्ये भारताची मक्तेदारी – टी-२० विश्वचषक सलग दुसऱ्यांदा जिंकण्याचा ऐतिहासिक पराक्रम केल्यानंतर भारतीय संघाची या फॉरमॅटमधील पकड अधिक मजबूत झाली आहे. आयसीसीच्या ताज्या आकडेवारीनुसार, भारतीय संघ २७५ रेटिंग पॉईंट्ससह पहिल्या स्थानावर आहे. दुसऱ्या क्रमांकावर इंग्लंड (२६२) आणि तिसऱ्या क्रमांकावर ऑस्ट्रेलिया (२५८) आहे. जागतिक चॅम्पियन म्हणून भारताने आपले अव्वल स्थान टिकवून ठेवणे ही भारतीय क्रिकेटसाठी मोठी कामगिरी मानली जात आहे. World Champions retain the 🔝 spot! 🏆 Congratulations to #TeamIndia on maintaining the No. 1️⃣ position in the annual ICC Men’s T20I Team Rankings 👏 pic.twitter.com/g22HsW8FqR — BCCI (@BCCI) May 5, 2026 वनडेमध्येही टीम इंडिया अव्वल – Maintaining the No. 1️⃣ spot in the world rankings 👏 ICC Champions Trophy 2025 winners #TeamIndia sit at the summit in the annual ICC Men’s ODI Team Rankings 🔝🇮🇳 pic.twitter.com/EE9yesoVYI — BCCI (@BCCI) May 11, 2026 एकदिवसीय (ODI) क्रिकेटमध्येही भारताने आपले वर्चस्व अबाधित ठेवले आहे. जरी भारताचा एक रेटिंग पॉईंट कमी झाला असला तरी, ११८ पॉईंट्ससह भारत आजही पहिल्या स्थानावर आहे. भारत आपल्या जवळच्या प्रतिस्पर्धी न्यूझीलंडपेक्षा (११३ पॉईंट्स) ५ पॉईंट्सने आघाडीवर आहे. ऑस्ट्रेलिया १०९ पॉईंट्ससह तिसऱ्या स्थानी आहे. विशेष म्हणजे दक्षिण आफ्रिकेने मोठी झेप घेत पाकिस्तानला मागे टाकून चौथे स्थान पटकावले आहे. हेही वाचा – Tim David Controversy : आरसीबीचा विजय वादात! टिम डेव्हिडच्या ‘त्या’ अश्लील इशाऱ्याने खळबळ; डगआऊटमधील VIDEO व्हायरल कसोटी क्रिकेटमध्ये ऑस्ट्रेलियाचा दबदबा – कसोटी क्रमवारीत मात्र ऑस्ट्रेलियन संघ १३१ रेटिंग पॉईंट्ससह निर्विवादपणे पहिल्या स्थानी आहे. विद्यमान वर्ल्ड टेस्ट चॅम्पियन दक्षिण आफ्रिका ११९ पॉईंट्ससह दुसऱ्या क्रमांकावर आहे. भारतीय संघाने कसोटी क्रमवारीत एका स्थानाची सुधारणा केली असून १०४ पॉईंट्ससह भारत आता तिसऱ्या क्रमांकावर पोहोचला आहे. पाकिस्ताननेही प्रगती करत श्रीलंकेला मागे टाकत ५ वे स्थान मिळवले आहे. हेही वाचा – Hardik Pandya MI Controversy : हार्दिक पंड्या आणि मुंबई इंडियन्समध्ये बिनसलं? ‘अनफॉलो’ प्रकरणाने खळबळ; रोहित-सूर्याबाबतही घेतला मोठा निर्णय! ही वार्षिक क्रमवारी मे २०२५ नंतरच्या सामन्यांना १०० टक्के वेटेज आणि त्यापूर्वीच्या दोन वर्षांच्या सामन्यांना ५० टक्के वेटेज देऊन तयार करण्यात आली आहे.
