Rinku Rajguru : सैराट चित्रपटाने बॅाक्स अॅाफिसवर मोठा इतिहास रचला. या चित्रपटाने बॅाक्स अॅाफिसवर १०० कोटींचा गल्ला गोळा केला. आजही हा चित्रपट टेलिव्हिजनवर लागला तरी तितक्याच आवडीने प्रेक्षक हा चित्रपट पाहतात. या चित्रपटाने इतर भाषांमध्ये देखील मोठी कमाई केली. चित्रपटामुळे रिंकू राजगुरू रातोरात स्टार झाली. यानंतर अनेक हिंदी मराठी चित्रपटांची अॅाफर रिंकूला मिळाली. सध्या रिंकू आशा या मराठी चित्रपटामुळे चर्चेत आहे. नुकत्याच दिलेल्या एका मुलाखतीत रिंकू राजगुरूने सैराट चित्रपटातील एका सीनबाबत नऊ वर्षांनंतर खुलासा केला आहे. या चित्रपटातील प्रत्येक सीन हिट ठरला होता. या चित्रपटात दोघांचा कारमधील एक इंटिमेट सीन देखील आहे. हा इंटिमेट सीन नेमका कसा शूट करण्यात आला? याबाबत रिंकूने खुलासा केला आहे. सीन करताना तुला भीती नाही वाटली का? असा प्रश्न तिला विचारण्यात आला होता. यावर प्रतिक्रिया देताना, “हा सीन ज्यावेळेस मी ऐकला तेव्हा मी घाबरले होते. पण तेव्हा नागराज दादांनी माझी समजूत घातली. त्याने सांगितले की कॅमेऱ्याची मूव्हमेंट असते. त्यामुळे मला हा सीन करताना कोणतीही भीती वाटली नाही”, असे रिंकूने सांगितले. महत्त्वाचे म्हणजे सैराटच्या वेळेस आम्ही सर्वजण एकत्र ४ महिने राहिलो होतो. त्यामुळे आमच्यात मैत्री झाली होती, अशी देखील आठवण रिंकूने शेअर केली. अभिनेत्री रिंकू राजगुरूने सैराट चित्रपटात आर्ची नावाची भूमिका साकारली होती. चित्रपटातील आर्चीचा बेधडक अंदाज सर्व प्रेक्षकांना अचंबित करणारा होता. नुकताच तिचा आशा हा चित्रपट प्रदर्शित झाला आहे. तसेच पुन्हा साडे माडे तीन या चित्रपटातही ती झळकणार असून, चाहत्यांना चित्रपटाची उत्सुकता लागलेली आहे. हेही वाचा : बेंगळुरूमध्ये बुलडोझरमुळे काँग्रेस अस्वस्थ ! केरळ-कर्नाटक सरकारमध्ये संघर्ष ; डीके शिवकुमार काय म्हणाले ?, वाचा
