Anurag Kashyap : विकी कौशलचा छावा सिनेमाने मोठा इतिहास रचला. या सिनेमात छत्रपती संभाजी महाराज यांच्या शौर्यकथेची कहाणी दाखविण्यात आली होती. या सिनेमाने बॅाक्स अॅाफिसवर तुफान कमाई केलीच, याशिवाय छावा प्रेक्षकांच्या मनात घर करून गेला. या सिनेमाचं सगळ्यांनी भरभरून कौतुक केलं होतं. मात्र, बॅालिवूडमधील प्रसिद्ध दिग्दर्शक अनुराग कश्यप याने याविरोधात प्रतिक्रिया देत छावा आवडला नसल्याचं म्हटलं आहे. यामुळे त्याने केलेल्या विधानाची चर्चा होत आहे. दिग्दर्शक अनुराग कश्यप सध्या त्यांचा निशांची या नव्या सिनेमामुळे चर्चेत आहे. या सिनेमाचं जोरदार प्रमोशन केलं जात आहे. या सिनेमाच्या निमित्ताने अनुराग कश्यपने द लल्लटॅापसोबत दिलेल्या मुलाखतीत छावा सिनेमाबाबत हे वक्तव्य केलं आहे. छावा हा सिनेमा सर्वाधिक कमाई करणारा आणि हिट ठरलेला यावर्षीचा हिंदी सिनेमा आहे. हा सिनेमा थेट आवडला नाही असं म्हटल्याने अनुराग कश्यप चर्चेच्या केंद्रस्थानी आला आहे. नेमकं काय म्हणाला अनुराग? यावर्षीचा सर्वात मोठा हिट सिनेमा ‘छावा’ फारसा आवडला नाही. छावा’ पेक्षा मला तो चित्रपट हॉलिवूडच्या ‘द पॅशन ऑफ द प्रिस्ट’सारखा वाटला. मला तो आवडला नाही. मला असं वाटले की, एखाद्याला यातना देऊन जे काही घडत होते, ते मला नाही आवडत, मी बघू शकलो नाही. मी एकतर आता हिंदी चित्रपट पाहणं बंद केलं आहे. ‘चमकीला’, ‘धडक 2’, ‘लापता लेडीज’ काही मोजकेच चित्रपट पाहिले आहेत, असं दिग्दर्शक आणि निर्माता अनुराग कश्यप म्हणाला. आता आमच्यात फारसं बोलणं होत नाही. छावा सिनेमाच्या कथेवरही अनुरागने भाष्य केलं असून ओटीटी प्लॅटफॉर्मवर रिलीज झाल्यानंतर मी त्यातली काही दृश्य पाहिली, ज्याविषयी लोक चर्चा करत होते. विनीतसाठी मी ते पाहिले. विकी आणि विनीतचे जे शेवटचे दृश्य होते, ते मी पाहिले. मी याविषयी कोणतेही जजमेंट द्यायचे नाही, पण ती कहाणी सांगण्याची पद्धत मला नाही समजली, इतरांना कदाचित तेच आवडलं असेल. तसेच अभिनेता विकी कौशलवर बोलताना अनुराग म्हणाला आता आमच्यात फारसं बोलणं होत नाही. हेही वाचा : पडळकरांवर बापू बिरू वाटेगावकरांचा मुलगा संतापला; थेट भरला दम
