Hemal Ingle : हौस मला ज्याची मी तिलाच आणली! मराठमोळी अभिनेत्री हेमल इंगळेची कारखरेदी; किती आहे किमंत?
Hemal Ingle : नव्या वर्षात अनेक कलाकारांनी घरखरेदी केली, कुणी नवी कार विकत घेतली. तर आणखी काही असे एक ना अनेक गोष्टी कलाकार मंडळी करत असतात. अशीच एक आनंदाची बातमी मराठमोळी अभिनेत्री हेमल इंगळे हिने तिच्या चाहत्यांना दिली आहे.
हेमलने एक नवीकोरी आलिशान कार खरेदी केली आहे. नवी कार खरेदी केल्याचे फोटो आणि व्हिडिओ अभिनेत्रीने तिच्या इन्स्टाग्राम अंकाऊटवरून शेअर केले आहेत. इन्स्टावरील पोस्टनुसार, अभिनेत्री हेमल इंगळेने नवीकोरी लग्जरी कार खरेदी केली आहे. ही कार फोक्सवॅगन कंपनीची आहे.
तिने Volkswagen Polo GTI हा कार व्हेरिंयट खरेदी केला आहे. या आलिशान कारची किंमत तब्बल २५ लाखांच्यावर आहे. या कारचा रंग लाल असून खूप सुंदर आहे. ही कार खरेदी करण्यासाठी हेमल इंगळे तिच्या कुटुंबासोबत शोरुमला गेली होती. तिने कार खरेदी केल्यानंतर तिच्या इन्स्टाग्रामवरून कारचे फोटो आणि व्हिडिओ शेअर करत चाहत्यांना ही गूडन्यूज दिली आहे. चाहत्यांनी देखील तिने शेअर केलेल्या पोस्टवर शुभेच्छांच्या कमेंटसचा वर्षाव केला आहे.
View this post on Instagram
‘अशी ही आशिकी’मुळे अभिनेत्री हेमल इंगळेला हिला खूप लोकप्रियता मिळाली आहे. तिने सचिन पिळगावर यांच्या नवरा माझा नवसाचा २ या चित्रपटात काम केले आहे. त्यानंतर तिने अनेक चित्रपट केले आहेत. याशिवाय ‘किर्रर्र काटा किर्रर्र’ आणि ‘हार्दिक शुभेच्छा’ या चित्रपटातही ती दिसली होती. तिचे चाहते तिच्या आगामी प्रोजेक्टसाठी खूप उत्सुक आहेत. अभिनेत्री हेमल इंगळेने याच वर्षी २०२५ मध्ये तिचा बॅायफेंड रौनक चोरडियासोबत विवाह केला आहे. दोघांचे सुंदर फोटोही तिने इन्स्टावर शेअर केले आहेत.
