Sanjay Raut : दिवाळी पहाटच्या कार्यक्रमात बोलताना निर्माते दिग्दर्शक आणि अभिनेते महेश कोठारे यांनी “मी मोदीजींचा भक्त आहे, मी भाजपाचा भक्त आहे, मुंबईत नक्कीच कमळ फुलेल,” असे विधान केले होते. त्यांनी केलेल्या या विधानाची जोरदार चर्चा होत आहे. कोठारेंनी या विधानातून भारतीय जनता पक्ष आणि देशाचे पंतप्रधान नरेंद्र मोदी यांचे कौतुक केले आहे.

मुंबई, ठाण्यासह आगामी महापालिका निवडणुका दिवाळीनंतर होणार असल्याने अभिनेते आणि दिग्दर्शक महेश कोठारे यांनी भाजपचे कौतुक करत केलेल्या विधानाची जोरदार चर्चा होत आहे. यामुळे आता राजकीय वर्तुळात चर्चांना उधान आले असून, उबाठाचे नेते खासदार संजय राऊत यांनी महेश कोठारेंच्या विधानाचा समाचार घेत खरमरीत टीका केली आहे.

आपण एक कलाकार आहात, तुमचे सिनेमे फक्त भाजपच्या लोकांनी बघितले नाहीयेत…. तात्या विंचू चावेल तुम्हाला असं बोलला तर तात्या विंचू रात्री येऊन चावा घेईल, गळा दाबेल, असा मिश्किल चिमटा राऊतांनी कोठारेंना काढला आहे.

नेमकं काय म्हणाले होते महेश कोठारे?

“भाजपा म्हणजे आपलं घर आहे, कारण मी स्वतः भाजपाचा भक्त आहे, मुंबईत नक्कीच कमळ फुलेल, मी पंतप्रधान नरेंद्र मोदींचा भक्त आहे. आपल्याला इथून नगरसेवक निवडून द्यायचा आहे, पण यावेळचा महापौरही इथून निवडून गेलेला असेल.” त्यांनी केलेल्या विधानाने भाजपने मुंबई महापालिकेच्या महापौरपदावर दावा करण्याची तयारी सुरू केल्याची चर्चा रंगली आहे.

संजय राऊतांनी काढला चिमटा

महेश कोठारे यांनी भाजपचे कौतुक करत केलेल्या विधानावर पत्रकारांनी संजय राऊत यांना प्रश्न केला. सुरूवातीला कोण आहे ते? असा सवाल त्यांनी महेश कोठारेंच्या प्रश्नावर केला. पुढे ते म्हणाले, ते भाजपचा महापौर होईल असे ते म्हणत आहेत, ते नक्की मराठी आहेत ना? मला शंका वाटते.

कोणत्याही पक्षाचे असूद्यात प्रत्येकाला मताचा अधिकार आहे, असे राऊत म्हणाले. आपण एक कलाकार आहात तुमचे सिनेमे फक्त भाजपच्या लोकांनी बघितलेले नाहीयेत अस म्हणत तात्या विंचू चावेल तुम्हाला… असे बोलला तर तात्या विंचू रात्री येऊन चावा घेईल, गळा दाबेल…

हेही वाचा : सोन्याचे दर घसरले ; जाणून घ्या सोने खरेदी करण्याची ही योग्य वेळ आहे का?