TMC खासदार म्हणाले,’मला एक मुलगी आहे, मी डॉक्टरांच्या संपात सहभागी होणार…’
कोलकाता येथे प्रशिक्षणार्थी डॉक्टरच्या बलात्कार आणि हत्येप्रकरणी डॉक्टर अजूनही संपावर आहेत. उच्च न्यायालयाने या प्रकरणाची सीबीआय चौकशी करण्याचे आदेश दिले आहे. सीबीआय बुधवारी या प्रकरणाचा ताबा घेणार आहे.
दरम्यान, टीएमसी खासदार सुखेंदू शेखर रॉय यांचे मोठे वक्तव्य समोर आले आहे. आंदोलन करणाऱ्या डॉक्टरांना त्यांनी पाठिंबा जाहीर केला आहे. आंदोलन करणाऱ्या डॉक्टरांमध्ये मी सहभागी होणार असल्याचे त्यांनी सांगितले. या निदर्शनात सहभागी होण्याचे आवाहनही त्यांनी केले आहे.
काय म्हणाले सुखेंदू शेखर?
सुखेंदू शेखर यांनी सोशल मीडिया प्लॅटफॉर्म X वर पोस्ट केले की, ‘मी आंदोलकांमध्ये सामील होणार आहे. लाखो बंगाली कुटुंबांप्रमाणे मलाही एक मुलगी आणि एक तरुण नात आहे. आपण या प्रसंगी गप्प न राहता न्याय मिळविण्यासाठी एकत्र आले पाहिजे. काहीही झाले तरी या विरोधात एकत्रितपणे आंदोलन केले पाहिजे.
मंगळवारी कोलकाता उच्च न्यायालयाने हे प्रकरण सीबीआयकडे सोपवले. सीबीआय आज सकाळी 10 वाजता या प्रकरणाचा ताबा घेणार आहे. न्यायालयात या प्रकरणाच्या सुनावणीदरम्यान पोलिसांवर अनेक गंभीर आरोपही करण्यात आले. सुनावणीदरम्यान वकील बिल्वदल भट्टाचार्य म्हणाले की, हे प्रकरण पोलिसांकडे ठेवल्यास सर्व पुरावे नष्ट होतील. हा निर्घृण खून होऊनही मृतदेह एवढा रक्तबंबाळ आणि अर्धनग्न असतानाही पोलिसांनी आत्महत्येचा गुन्हा दाखल केला. या प्रकरणात पोलिसांकडून निष्काळजीपणा दाखवली गेली.काय आहे संपूर्ण प्रकरण?
8-9 ऑगस्टच्या रात्री कोटकाटा येथील आरजी कार मेडिकल कॉलेजमध्ये प्रशिक्षणार्थी महिला डॉक्टरचा मृतदेह सापडला होता. हा 31 वर्षीय डॉक्टर त्या दिवशी इतर तीन डॉक्टरांसह रात्रीच्या ड्युटीवर होती. रात्री दोन वाजण्याच्या सुमारास महिला डॉक्टर झोपण्यासाठी रुग्णालयाच्या सेमिनार हॉलमध्ये गेल्या. सकाळी या महिला डॉक्टरचा रक्ताने माखलेला विवस्त्र मृतदेह आढळून आला. याप्रकरणी रुग्णालयातच काम करणाऱ्या संजय रॉय याला अटक करण्यात आली आहे.
