Hungary PM Peter Magyar : हंगेरीचे नवनियुक्त पंतप्रधान पीटर मॅग्यार यांनी एक मोठे विधान केले आहे. इस्रायलचे पंतप्रधान बेंजामिन नेतन्याहू जर हंगेरीला आले, तर त्यांना अटक केली जाऊ शकते, असे त्यांनी स्पष्ट केले आहे. इंटरनॅशनल क्रिमिनल कोर्टाने (ICC) नेतन्याहू यांच्या विरोधात यापूर्वीच अटक वॉरंट जारी केले असल्याने हा निर्णय घेण्यात आला आहे. “आंतरराष्ट्रीय फौजदारी न्यायालयाने (ICC) वॉरंट जारी केलेला कोणताही नेता जर हंगेरीत आला, तर त्याला कायद्यानुसार अटक केली जाईल,” असे त्यांनी स्पष्ट केले आहे. त्यांनी हे देखील स्पष्ट केले की, हंगेरी ICC चा सदस्य राहील आणि मागील सरकारने ICC मधून बाहेर पडण्याचा जो निर्णय घेतला होता, तो रद्द केला जाईल. ओर्बन यांच्या धोरणाला पूर्णविराम मॅग्यार यांची ही भूमिका माजी पंतप्रधान व्हिक्टर ओर्बन यांच्या धोरणापेक्षा पूर्णपणे वेगळी आहे. ओर्बन यांनी यापूर्वी ICC चे वॉरंट मानण्यास नकार दिला होता. इतकेच नाही तर, २०२५ मध्ये नेतन्याहू यांच्या नियोजित दौऱ्यासाठी त्यांनी हंगेरीला ICC मधून बाहेर काढण्याची प्रक्रियाही सुरू केली होती. Hungary PM Peter Magyar : हंगेरीत सत्तापालट होताच इस्रायलशी संबंध ताणले; नव्या पंतप्रधानांकडून नेतन्याहूना अटकेची धमकी मात्र, युरोप समर्थक नेते पीटर मॅग्यार यांनी ही प्रक्रिया थांबवण्याचे संकेत दिले आहेत. यामुळे हंगेरी ICC चा सदस्य कायम राहील आणि आंतरराष्ट्रीय नियमांचे पालन करेल. (Hungary PM Peter Magyar) नेतन्याहू यांच्या हंगेरी दौऱ्यावर टांगती तलवार (Hungary PM Peter Magyar) या विधानामुळे नेतन्याहू यांच्या आगामी हंगेरी दौऱ्याबाबत अनिश्चितता निर्माण झाली आहे. १९५६ च्या हंगेरी क्रांतीच्या ७० व्या वर्धापन दिनानिमित्त २३ ऑक्टोबर रोजी होणाऱ्या कार्यक्रमासाठी नेतन्याहू यांना निमंत्रित करण्यात आले होते आणि त्यांनी येण्यास संमतीही दिली होती. आता अटकेच्या इशाऱ्यामुळे हा दौरा रद्द होण्याची शक्यता आहे, ज्याचा परिणाम इस्रायल आणि हंगेरीच्या द्विपक्षीय संबंधांवर होऊ शकतो. नेतन्याहू यांच्यावर नेमके आरोप काय? (Hungary PM Peter Magyar) नोव्हेंबर २०२४ मध्ये ICC ने बेंजामिन नेतन्याहू आणि इस्रायलचे माजी संरक्षण मंत्री योव गॅलँट यांच्याविरुद्ध अटक वॉरंट जारी केले होते. गाझा युद्धादरम्यान कथित युद्ध गुन्हे आणि मानवतेविरुद्धचे गुन्हे केल्याचा त्यांच्यावर आरोप आहे. दरम्यान, इस्रायलने हे सर्व आरोप फेटाळून लावले असून आपण आंतरराष्ट्रीय कायद्याचे पालन केल्याचे म्हटले आहे. हंगेरीचे नवीन सरकार मॅग्यार यांनी १२ एप्रिल रोजी झालेल्या निवडणुकीत व्हिक्टर ऑर्बन यांचा पराभव केला असून, ते ९ मे रोजी पदभार स्वीकारणार आहेत. हंगेरीचे माजी पंतप्रधान व्हिक्टर ऑर्बन यांच्या नेतृत्वाखालील सरकारने ICC मधून बाहेर पडण्याचा निर्णय घेतला होता. हा निर्णय २ जून २०२६ पासून लागू होणार होता. मात्र, आता नवीन पंतप्रधान मॅग्यार यांनी हा निर्णय फिरवण्याचे जाहीर केले आहे. (Hungary PM Peter Magyar) हेही वाचा: Dr. Gopalrao Patil : भाजपचे माजी खासदार काळाच्या पडद्याआड! लातूरमध्ये शोककळा
