यंदाच्या कान्स फिल्म फेस्टिव्हलमध्ये हुमा कुरेशीचे वेगवेगळे लूक सतत चर्चेत आहेत. काही दिवसांपूर्वी ती काळ्या रंगाच्या आकर्षक गाऊनमध्ये दिसली होती. त्यानंतर तिने परिधान केलेली बनारसी साडीही सोशल मीडियावर मोठ्या प्रमाणात व्हायरल झाली. पारंपरिक आणि मॉडर्न अशा दोन्ही अंदाजात हुमा चाहत्यांना भावताना दिसत आहे.

दरम्यान, हुमा कुरेशी आणि यश हे दोघेही ‘टॉक्सिक’ या बहुचर्चित चित्रपटात एकत्र झळकणार आहेत. या चित्रपटाची चाहत्यांमध्ये प्रचंड उत्सुकता आहे. चित्रपटात कियारा अडवाणी, नयनतारा, तारा सुतारिया आणि रुक्मिणी वसंत यांच्याही महत्त्वाच्या भूमिका आहेत. या चित्रपटाचं दिग्दर्शन गीतू मोहनदास यांनी केलं आहे.

विशेष म्हणजे, या सिनेमात यश दुहेरी भूमिकेत दिसणार असल्याची चर्चा आहे. त्यामुळे चाहत्यांची उत्सुकता आणखी वाढली आहे. मात्र, चित्रपटाची रिलीज डेट पुढे ढकलण्यात आली असून नवीन तारीख अद्याप जाहीर झालेली नाही. तरीही ‘टॉक्सिक’ या चित्रपटाबाबत प्रेक्षकांमध्ये मोठी उत्सुकता कायम आहे.

Huma Qureshi: कान्समध्ये हुमा कुरेशीची भन्नाट एन्ट्री; साऊथ सुपरस्टार यशसोबतच्या खास फोटोंनी वेधलं लक्ष!