Huma Qureshi: बॉलीवूड अभिनेत्री हुमा कुरैशी सध्या आपल्या ‘बयान’ या चित्रपटामुळे चर्चेत आहे. अलीकडेच या चित्रपटाचा प्रीमियर टोरोंटो आंतरराष्ट्रीय चित्रपट महोत्सवात झाला. मात्र चित्रपटासोबतच तिच्या वैयक्तिक आयुष्यामुळेही ती चर्चेत आली आहे. काही वृत्तसंस्थांनी नुकतेच वृत्त दिले की, हुमा कुरैशीने आपला कथित मित्र रचित सिंह याच्याशी गुप्तपणे साखरपुडा केला आहे. या बातम्या पसरल्यानंतर हुमा कुरैशीने समाजमाध्यमांवर एक पोस्ट प्रसिद्ध करून अप्रत्यक्षरीत्या प्रतिक्रिया व्यक्त केली आहे. हुमा कुरैशीचे पोस्ट हुमा कुरैशीने आपल्या इन्स्टाग्राम स्टोरीवर विमानप्रवासादरम्यान दिलेल्या आहाराचा सूपयुक्त नूडल्सचा फोटो पोस्ट केला आहे . या छायाचित्रासोबत तिने लिहिले आहे, “सर्वांनी शांत रहा आणि आपल्या कामाशीच काम ठेवा.” तसेच ती सध्या दक्षिण कोरियामध्ये पोहोचल्याचेही तिने नमूद केले आहे. रचित सिंह कोण आहे ? रचित सिंह हे नावाजलेले अभिनय-प्रशिक्षक आहेत. आलिया भट्ट, रणवीर सिंग आणि विक्की कौशल यांसारख्या लोकप्रिय कलाकारांना त्यांनी प्रशिक्षण दिले आहे. शिवाय त्यांनी ‘कर्मा कॉलिंग’ या मालिकेतून अभिनय क्षेत्रात पदार्पण केले. हुमा कुरैशी आणि रचित सिंह यांची मैत्री दीर्घकाळाची आहे. दोघांना अनेक वेळा एकत्र पाहण्यात आले आहे. टोरोंटो चित्रपट महोत्सवात हुमा हिच्या ‘बयान’ चित्रपटाच्या प्रदर्शनावेळी रचित उपस्थित होता. तसेच हुमा हिची जिवलग मैत्रीण सोनाक्षी सिन्हाच्या विवाहसोहळ्यातही तो सहभागी झाला होता.
