स्टाइलिश स्टार हृतिक रोशनच्या क्रिश 4 चित्रपटाची मोठी उत्सुकता प्रेक्षकांमध्ये आहे. या चित्रपटाबाबत अनेक नवे अपडेट्स बऱ्याच दिवसांपासून येत आहेत. राकेश रोशन आणि त्यांची टीम गेल्या काही वर्षांपासून या चित्रपटावर काम करत आहे. दरम्यान, चित्रपटाचे शूटिंगही लवकरच सुरू होणार असल्याचे सांगण्यात आले आहे. मात्र बॉलीवूड हंगामाच्या रिपोर्टनुसार, ‘क्रिश 4’चे बजेट इतके वाढले आहे की कोणताही स्टुडिओ हा चित्रपट बनवण्यास तयार नाही. जानेवारी महिन्यात राकेश रोशन यांनीही याबाबत खुलासा केला होता.

चित्रपटाच्या बजेटमुळे अडचणी येत आहेत. ‘क्रिश 4’ लवकरच बनवणार आहे. वास्तविक या चित्रपटाच्या बजेटबाबत वारंवार अडचणी येत आहेत. हा खूप मोठ्या बजेटचा चित्रपट आहे जो मोठ्या स्केलवर बनवण्यात येणार आहे. जर आम्ही चित्रपटाचे बजेट कमी केले तर चित्रपटातील कथानकाशीही आम्हाला तडजोड करावी लागेल आणि मला या चित्रपटाशी कोणत्याही प्रकारची तडजोड करायची नाही, मला योग्य बजेटमध्ये योग्य प्रमाणात चित्रपट बनवायचा आहे आणि जेव्हा ते होईल तेव्हाच मी त्याचे शूटिंग सुरू करेन, असे राकेश रोशन यांनी एका वाहिन्याला दिलेल्या मुखाखतीमध्ये म्हटले होते.

बजेट 700 कोटींचे 

‘क्रिश 4’ चित्रपटाचे जवळपास 700 कोटी रुपयांचे बजेट आहे. इतका पैसा गुंतवून कोणताही स्टुडिओ धोका पत्करू इच्छित नाही, म्हणून चित्रपटाच्या चित्रीकरणाला अद्यापर्यंत सुरूवात करण्यात आलेली नाही. हृतिकचा मित्र आणि दिग्दर्शक सिद्धार्थ आनंद या चित्रपटाची निर्मिती करत आहे. या चित्रपटासाठी स्टुडिओ शोधण्याची जबाबदारी हृतिकने सिद्धार्थला दिली होती. मात्र, स्टुडिओ ‘क्रिश 4’बाबत संकोच करत आहेत.

नवीन टीम तयार केली जणार 

सिद्धार्थने या चित्रपटाचे दिग्दर्शन करण्यासाठी करण मल्होत्राला साईन केले होते. आता सिद्धार्थने हा चित्रपट सोडल्यामुळे करणही चित्रपटाचे काम करणे सोडले आहे. आता या चित्रपटावर नवीन टीम काम करणार असल्याची माहिती आहे. त्यानुसार  चित्रपटाचे बजेट पुन्हा तयार केले जाईल. हे सर्व प्रश्न सोडवल्यानंतरच चित्रपट फ्लोरवर जाऊ शकतो. ‘वॉर 2’ ब्लॉकबस्टर ठरला तर ‘क्रिश 4’लाही चांगला प्रतिसाद प्रेक्षक देतील, असा विश्वास व्यक्त केला जात आहे.