Baramati by-election results : बारामती पोटनिवडणुकीच्या मतमोजणीच्या पहिल्या फेरीपासून सुनेत्रा पवारांची आघाडी कायम आहे. आतापर्यंत सात फेऱ्या मतमोजणीच्या पूर्ण झाल्या असून, सातव्या फेरीअखेर त्या 63186 मतांनी आघाडीवर आहेत. काँग्रेस पक्षाने आकाश मोरे यांना बारामती पोटनिवडणुकीची उमेदवारी जाहीर केली होती. मात्र, अर्ज दाखल करण्याच्या शेवटच्या दिवशी माघार घेण्यात आली. तरीही काही उमेदवारांनी आपली उमदवारी कायम ठेवली होती. ( Baramati by-election results) या उमेदवारांपैकी करुणा मुंडे आणि अभिजित बिचुकले यांच्या उमेदवारीची मोठी चर्चा होती. मात्र, प्रत्यक्ष त्यांना आतापर्यंत झालेल्या मतमोजणीत किती मतं मिळाली याची आकडेवारी समोर आले आहेत. (Baramati by-election results) दुसऱ्या फेरी अखेर करुणा मुंडे यांना 18 मतं तर अभिजीत बिचुकले यांना 15 मतं मिळाली आहेत. तसेच नोटा 28 जणांनी पसंती दर्शवली आहे. चौथ्या फेरीत, अभिजित बिचुकले– 33 आणि करुणा मुंडे- 51 मतं पडली आहेत. तर नोटा- 114 मत मिळाली आहेत. (Baramati by-election results) सुनेत्रा पवारांची आघाडी कायम (Baramati by-election results) अजित पवार यांच्या विमान अपघाती निधनानंतर येथील पोटनिवडणूक जाहीर करण्यात आली होती. या जागेसाठी अजित पवार यांच्या पत्नी सुनेत्रा पवार यांना उमेदवारी जाहीर करण्यात आली. 23 एप्रिल या दिवशी मतदारांनी मतदानाचा हक्क बजावला. आज मतमोजणी होऊन निकाल जाहीर करण्यात येणार असल्याने सर्वांचे लक्ष या मतदार संघाकडे लागलेले आहे. मतमोजणीच्या पहिल्या फेरीपासूनच सुनेत्रा पवारांनी मोठी आघाडी घेतली होती. तिसऱ्या फेरीअखेर सुनेत्रा पवार 26773 मतांनी आघाडीवर होत्या. पाचव्या फेरी अखेर सुनेत्रा पवार 45010 मतांनी आघाडी घेतली. तर सातव्या फेरी अखेर सुनेत्रा पवार 63186 मतांनी आघाडीवर आहेत. पुढे आणखी काही फेऱ्यांमध्ये त्यांची आघाडी वाढल्यास त्यांचा विजय निश्चित आहे. (Baramati by-election results)
