Hospital Fire : ओडिशा सरकारद्वारे चालवल्या जाणाऱ्या एससीबी वैद्यकीय महाविद्यालय आणि रुग्णालयमधील अतिदक्षता विभागात (आयसीयू) सोमवारी पहाटे भीषण आग (Hospital Fire) लागल्याने किमान 10 रुग्णांचा मृत्यू झाला आहे, अशी माहिती मुख्यमंत्री मोहन चरण माझी यांनी दिली आहे. मुख्यमंत्र्यांनी सांगितले की, रुग्णांना सुरक्षित स्थळी हलवत असताना रुग्णालयातील (Hospital Fire) सुमारे ११ कर्मचाऱ्यांना भाजल्यामुळे दुखापत झाली. ही आग कदाचित शॉर्ट सर्किटमुळे लागली असावी. आग पहाटे २.३० ते ३.०० च्या दरम्यान लागली. अग्निशमन दलाचे जवान तातडीने रुग्णालयात पोहोचले आणि त्यांनी आगीवर नियंत्रण मिळवले आहे. पंतप्रधान नरेंद्र मोदी यांनी या आगीच्या घटनेत रुग्णांचा मृत्यू झाल्याबद्दल शोक व्यक्त केला आणि पंतप्रधान राष्ट्रीय मदत निधीतून प्रत्येक मृत व्यक्तीच्या नातेवाईकांना २ लाख रुपयांची मदत जाहीर केली. तसेच, जखमींना ५०,००० रुपयांची मदत दिली जाणार आहे. पंतप्रधानांनी फोनवरून मुख्यमंत्री माझी यांच्याशी संवाद साधला आणि परिस्थितीचा आढावा घेतला. Hospital Fire राज्य सरकारने या घटनेची न्यायालयीन चौकशी करण्याची घोषणाही केली आणि अग्निशमन दलाच्या महासंचालकांना या प्रकरणाची चौकशी करून, त्वरित अहवाल सादर करण्याचे निर्देश दिले आहेत. मुख्यमंत्र्यांनी देखील प्रत्येक मृत व्यक्तीच्या निकटच्या नातेवाईकांसाठी २५ लाख रुपयांच्या मदतीची घोषणा केली. राष्ट्रपती द्रौपदी मुर्मू आणि उपराष्ट्रपती सी. पी. राधाकृष्णन यांनी रुग्णालयात घडलेल्या आगीच्या दुर्घटनेत (Hospital Fire) झालेल्या जीवितहानीबद्दल शोक व्यक्त केला आणि जखमींच्या लवकरात लवकर बरे होण्यासाठी प्रार्थना केली. आयसीयू आणि त्याला लागून असलेल्या वॉर्डमध्ये एकूण २३ रुग्ण उपचार घेत होते.
