Samruddhi Mahamarg Accident : अमरावती जिल्ह्यातील धामणगाव रेल्वेजवळ समृद्धी महामार्गावर ट्रक आणि बोलेरो पिकअप टेम्पोची धडक होऊन भीषण अपघाताची घटना घडली. या दुर्घटनेत दुर्गादेवीची मूर्ती घेऊन जाणाऱ्या पाच जणांचा जागीच मृत्यू झाला, तर २१ जण गंभीर जखमी झाल्याची माहिती आहे.

मिळालेल्या माहितीनुसार, शेगाव येथून दुर्गादेवीची मूर्ती घेऊन बोलेरो पिकअपमधून वर्ध्याकडे जात असताना धामणगाव रेल्वेजवळ समृद्धी महामार्गावरील चॅनल क्रमांक ९७ येथे हा अपघात झाला.

ट्रक आणि पिकअपची धडक इतकी भीषण होती की, पाच जणांचा जागीच मृत्यू झाला. या अपघातात २१ जण जखमी झाले असून, त्यापैकी दोन जणांची प्रकृती अत्यंत चिंताजनक आहे. १० जण गंभीर जखमी असून, सहा जणांना किरकोळ दुखापत झाली आहे.

अपघातानंतर जखमींना तातडीने धामणगाव ग्रामीण रुग्णालयात दाखल करण्यात आले. प्राथमिक उपचारानंतर गंभीर जखमींना पुढील उपचारासाठी वर्धा येथील वैद्यकीय महाविद्यालयात हलवण्यात आले आहे.

अपघाताची माहिती मिळताच धामणगाव रेल्वे पोलीस, स्थानिक नागरिक तसेच पत्रकारांनी घटनास्थळी धाव घेत जखमींना तातडीने रुग्णालयात पोहोचवण्यासाठी मदत केली. या भीषण दुर्घटनेमुळे परिसरात हळहळ व्यक्त होत असून, शोककळा पसरली आहे.

अपघातातील मृतांची नावे

१ घनश्यामजी पाटील

२ ओम गावंडे

३ सचिन बादलमवार

४ दत्ता कुळसुंगे

५  प्रवीण बकाने

Satara News : सातारा पोलिसांची धडक कारवाई ! CEIR पोर्टलद्वारे १.५ कोटींचे ४४९ चोरीला गेलेले मोबाईल हस्तगत; नागरिकांना केले परत