Honey Singh video : प्रसिद्ध रॅपर आणि गायक यो यो हनी सिंह सध्या अत्यंत कठीण परिस्थितीतून जात आहे. त्याचा भाचा विदित औलख याचाअपघातात दुर्दैवी मृत्यू झाला. या दुःखद घटनेनंतर हनी सिंह दुबईहून थेट जालंधरमध्ये दाखल झाला. तिथे त्याने कुटुंबीयांची भेट घेतली.

सोशल मीडियावर समोर आलेल्या एका व्हिडिओमध्ये हनी सिंह कुटुंबातील एका सदस्याला मिठी मारून ढसाढसा रडताना दिसत आहे. हा व्हिडिओ सोशल मीडियावर व्हायरल झाल्यानंतर चाहतेही भावूक झाले आहेत.

हनी सिंहची भावुक पोस्ट

भाच्याच्या निधनानंतर हनी सिंहने सोशल मीडियाच्या माध्यमातून आपल्या भावना व्यक्त केल्या होत्या. त्याने इन्स्टाग्राम स्टोरीवर एक पोस्ट शेअर करत हा काळ आपल्यासाठी अत्यंत वेदनादायी असल्याचे म्हटले होते. ‘माझ्यासाठी हा खूप दुःखद काळ आहे. मी माझा भाचा गमावला आहे. ही हृदयद्रावक बातमी आहे. भोलेनाथ मेहेर करो.’ अशा शब्दांत त्याने आपल्या भावना व्यक्त केल्या होत्या.

Jalandhar, Punjab: Singer and rapper Honey Singh arrived at the residence of the Aulakh family from Dubai to offer his condolences following the tragic death of Aulakh’s son, Divit, and his friend, Aarav Talwar, in a road accident early Sunday https://t.co/vBZHM3jRZW

— IANS (@ians_india) November 2, 2026

नेमका कसा झाला अपघात?

वृत्तानुसार, विदित औलख याचा जालंधरमधील पोलीस लाइन्स परिसरातील उड्डाणपुलावर अपघात झाला. त्याची फोक्सवॅगन कार रस्त्यावर उभ्या असलेल्या महानगरपालिकेच्या ट्रॅक्टर-ट्रॉलीला धडकली. या भीषण अपघातात विदितचा मृत्यू झाला. विदित औलख हा प्रसिद्ध पंजाबी म्युझिक कंपनी ‘स्पीड रेकॉर्ड्स’चे मालक दिनेश औलख यांचा मुलगा होता.

१ नोव्हेंबर या दिवशी पहाटे सुमारे ३ वाजण्याच्या सुमारास अपघाताची घटना घडली होती. अपघाताच्या वेळी कारमध्ये एकूण पाच जण होते. या दुर्घटनेत विदित औलख आणि आरव तलवार यांचा मृत्यू झाला, तर कारमधील अन्य तिघे सुखरूप असल्याची माहिती पोलिसांनी मिळाली होती. या दुर्दैवी घटनेमुळे हनी सिंह आणि विदितच्या कुटुंबावर दुःखाचा डोंगर कोसळला आहे.

Jiyaa Shankar Breakup Rumours: ब्रेकअपच्या चर्चांना जिया शंकरने दिला पूर्णविराम! मंगेतर करणसोबतचे रोमँटिक फोटो शेअर करत म्हणाली, ‘अफवांमध्ये अजिबात तथ्य नाही’