Sachin Pilgaonkar : गेल्या काही दिवसांपासून सिनसृष्टीतून निधनाच्या बातम्या समोर येत आहेत. काल बॅालिवूड इंडस्ट्रीत कॅामेडी कलाकारांमध्ये ज्यांचे नाव वरच्या स्थानी घेतले जात होते, ते ज्येष्ठ अभिनेते सतीश शाह यांचे वयाच्या ७४ व्या वर्षी निधन झाले. त्यांच्या निधनाच्या वृत्ताने सिनेसृष्टीसह सर्वांनाच मोठा धक्का बसला आहे. काल त्यांची अचानक प्रकृती बिघडल्याने त्यांना हिंदुजा रुग्णालयात दाखल करण्यात आले. मात्र, मूत्रपिंड निकामी झाल्याने त्यांची प्राणज्योत मालवली. त्यांच्या निधनाने सर्वजण हळहळ व्यक्त करत आहेत. सतीश शाह आणि मराठी सिनेसृष्टीतील ज्येष्ठ अभिनेते सचिन पिळगावकर यांची घट्ट मैत्री होती. मित्राच्या अकाली जाण्याने सचिन यांना मोठा धक्का बसला आहे. हेही वाचा : “तुमच्याशिवाय आम्ही कसे जगणार?” सतीश शाह यांच्या निधनानंतर आर माधवनची भावुक पोस्ट सतीश शाह यांच्या निधनानंतर ‘न्यूज 18’ ला सचिन पिळगावकर यांनी मुलाखत दिली. या मुलाखतीत त्यांनी आपल्या भावनांना वाट मोकळी करत सुप्रिया तीन दिवसांपूर्वी सतीश आणि मधूला भेटून आली होती. सतीशने कोणते तरी गाणे ऐकवले होते. त्यावर मधू आणि सुप्रिया नाचल्या होत्या, अशी आठवण सांगितली. पुढे ते म्हणाले, सतीश आणि मी नेहमी बोलायचो. मेसेज करायचो. मला आज (25 ऑक्टोबर2025) दुपारी 12 वाजून 56 मिनिटांनी त्याचा मेसेज आला होता. त्यावेळी तो पूर्णपणे ठीक होता. त्याच्या निधनाची अचानक बातमी ऐकून मला मोठा धक्का बसला, असे सचिन पिळगावकर म्हणाले. १९९७ मध्ये सचिन पिळगावकर यांनी दिग्दर्शित केलेल्या गंमत जमंत या सिनेमात सतीश शाह यांनी भूमिका केली होती. या सिनेमात सचिन यांनी स्वतः अभिनय देखील केला होता. सतीश शाह यांच्या वाट्याला आलेली छोट्याशी भूमिका त्यांनी खूप चांगल्या प्रकारे वठवली होती. त्यामुळे ती आजही प्रेक्षकांच्या लक्षात आहे. याशिवाय त्यांनी अनेक हिंदी सिनेमातील भूमिकांमुळे प्रेक्षकांना आपल्याकडे लक्ष वेधून घेण्यास भाग पाडले. त्यांचे लाखो चाहते आहेत, त्यांच्या अकाली एक्झिटने त्यांना देखील मोठा धक्का बसला आहे. सतीश शाह यांनी 1978 ‘अरविंद देसाई की अजीब दास्तां’मधून बॉलिवूडमध्ये पदार्पण केले. त्यानंतर त्यांच्या वाट्याला अनेक भूमिका आल्या, त्या सर्वंच भूमिकांचे सोनं त्यांनी केले. सतीश शाह यांची ‘साराभाई वर्सेस साराभाई’ ही मालिका खूप गाजली होती. ‘ओम शांती ओम’, ‘मैं हूं ना’ आणि ‘जाने भी दो यारों’ या सिनेमातील त्यांच्या भूमिकेने प्रेक्षकांना दखल घ्यायला भाग पाडले. हेही वाचा : “जुने कार्यकर्ते हे घर की मुर्गी ‘दाल बराबर’, बाहेरचे… “; नितीन गडकरी भाजपच्या वाढत्या इन्कमिंगवर स्पष्टचं बोलले!
