हिंगोली‎ : पोलिस कर्मचाऱ्याने केलेल्या गोळीबारात जखमी ‎झालेल्या सासूचा उपचार सुरु असताना, सोमवारी 30 ‎रोजी सायंकाळी मृत्यू झाला. यामुळे या घटनेतील ‎मृतांची संख्या आता 3 झाली आहे. रविवारी या‎ घटनेतील योगेश धनवे यांचा मृत्यू झाला होता. त्यानंतर‎ सोमवारी त्यांच्या आई वंदना धनवे यांनीही ‎उपचारादरम्यान प्राण सोडले.‎

वसमत शहर पोलिस ठाण्यातील कर्मचारी विलास‎ मुकाडे याने 25 डिसेंबरला रात्री, हिंगोलीत ‎सासुरवाडीला येऊन गोळीबार केला. यामध्ये त्याची ‎पत्नी मयुरी मुकाडे यांचा जागीच मृत्यू झाला होता.‎ मृत वंदना धनवे यांचे पती प्रसाद ‎धनवे हे राज्य राखीव दलात कार्यरत होते. कर्तव्यावर ‎असतांनाच त्यांचा मृत्यू झाल्यानंतर त्यांच्या जागेवर‎ वंदना धनवे यांना कक्ष सेविका या पदावर नोकरी‎ मिळाली.

नोकरी करून त्यांनी योेगेश व मुलगी मयुरी‎यांचा सांभाळ केला होता.‎ आरोपी ‎विलास व मयुरी मुकाडे यांना श्रीयांश हा 3 वर्षाचा‎ मुलगा आहे. त्याच्या आईचा मृत्यू झाला, तर वडील‎ तुरुंगात आहेत. आजी व मामाचाही मृत्यू झाला आहे. ‎त्यामुळे त्याचा सांभाळ कोण करणार असा प्रश्न आहे.