मुंबई –  टीव्हीची सुप्रसिद्ध अभिनेत्री हिना खान सध्या मीडियाच्या चर्चेत असते. रमजानच्या पवित्र महिन्यात उमराह करण्यासाठी  हिना सौदी अरेबियातील मक्का मदिना येथे गेली आहे. अलीकडेच त्याने रमजानपूर्वी पहिला उमराह केला.

अशात, उमराह यात्रा पूर्ण केल्यानंतर, हिनाने सोशल मीडियावर काही फोटो शेअर केले आहेत, ज्यामध्ये ती जांभळ्या रंगाच्या बुरख्यात दिसत आहे. तिच्या या पोस्टनंतर  हिनाला सतत ट्रोल केले जात आहे. दरम्यान, हिनाने उमराहचे ताजे फोटो शेअर करताना ट्रोलवर तिची जबरदस्त प्रतिक्रिया दिली आहे.

अभिनेत्री हिना खान आपल्या कुटुंबासह सौदी अरेबियाला उमराह करण्यासाठी गेली होती. ती इन्स्टाग्रामवर तिच्या आऊटिंगचे फोटो आणि रील सतत शेअर करत असते. यावेळी हिनाने मशिदीच्या आजूबाजूचे काही फोटो शेअर केले.

ज्यामध्ये ती वेगवेगळ्या प्रकारे पोज देताना दिसली. या फोटोंना कॅप्शन देत हिना खानने लिहिले की, ‘इबादत का रुख मक्का है, मोहब्बत का रुख मदिना है’. मात्र, सोशल मीडियावर हिनाची स्टाईल लोकांना आवडली नाही.  हिना या फोटोवरून चांगलीच  ट्रोल झाली आहे. ट्रोलिंगमुळे हिना इतकी नाराज झाली की तिने पोस्टचा कमेंट सेक्शन बंद  केले आहे.

अभिनेत्रीने तिच्या पोस्टमध्ये पुढे लिहिले की, ‘मी फक्त त्यांनाच प्रतिक्रिया देऊ शकते जे मला समजून घेतात.  मी संत नाही. माझा दयाळूपणा आणि चांगल्या कृतींवर विश्वास आहे, बाकी तुम्ही सर्वांनी वर जाऊन तुमच्या स्वतःच्या कर्मासाठी उत्तर द्यावे लागेल. प्रेम पसरवण्यासाठी तिसरा उमरा पूर्ण. हिना खानने यापूर्वी तिच्या उमराहचे अनेक फोटो इंस्टाग्रामवर शेअर केले होते.