Eknath Shinde : शिवसेना पक्षाच्या संघटनात्मक बांधणीसाठी राज्यभर बैठका सुरू असतानाच नाशिकमधील पहिल्याच बैठकीत अंतर्गत नाराजीची चर्चा रंगू लागली आहे. खासदार श्रीकांत शिंदे यांच्या उपस्थितीत झालेल्या बैठकीला माजी खासदार हेमंत गोडसे यांनी दांडी मारल्याने राजकीय वर्तुळात विविध चर्चांना उधाण आलं आहे. (Eknath Shinde) नाशिक येथे आयोजित करण्यात आलेल्या या बैठकीत पक्ष संघटना मजबूत करण्याबाबत चर्चा करण्यात येत आहे. आगामी जिल्हा परिषद आणि स्थानिक विधानपरिषद निवडणुकांच्या पार्श्वभूमीवरही या बैठकीला विशेष महत्त्व प्राप्त झालं आहे. बैठकीला उद्योगमंत्री उदय सामंत आणि शिक्षणमंत्री दादा भुसे यांच्यासह अनेक आमदार, खासदार आणि पदाधिकारी उपस्थित होते. (Eknath Shinde) हेमंत गोडसेंच्या गैरहजेरीमुळे चर्चांना उधाण मात्र, नाशिकमध्ये उपस्थित असूनही हेमंत गोडसे बैठकीला गैरहजर राहिल्याने शिवसेनेतील अंतर्गत गटबाजी पुन्हा चर्चेत आली आहे. नव्या कार्यकारणीत स्थान न मिळाल्याने गोडसे नाराज असल्याची चर्चा राजकीय वर्तुळात सुरू झाली आहे. (Eknath Shinde) राज्यातील संघटनात्मक आढावा बैठकीची ही पहिलीच बैठक असल्याने गोडसेंची अनुपस्थिती अधिकच चर्चेचा विषय ठरली आहे. त्यामुळे उपमुख्यमंत्री एकनाथ शिंदे यांच्या नेतृत्वाखालील शिवसेनेत सर्व काही आलबेल नसल्याच्या चर्चांना बळ मिळालं आहे. (Eknath Shinde) आदित्य ठाकरेही नाशिक दौऱ्यावर दरम्यान, आदित्य ठाकरे हे देखील 24 मे रोजी नाशिक दौऱ्यावर जाणार आहेत. ठाकरे गटाकडून पक्ष पुनर्बांधणी आणि संघटन मजबूत करण्यासाठी हा दौरा महत्त्वाचा मानला जात आहे. (Eknath Shinde) या दौऱ्यात आदित्य ठाकरे जिल्ह्यातील पदाधिकारी आणि कार्यकर्त्यांशी संवाद साधणार असून पक्षातील पडझड थांबवणे आणि डॅमेज कंट्रोल करण्यावर भर दिला जाणार असल्याची माहिती समोर येत आहे. (Eknath Shinde) हेही वाचा Rishikesh Vaidya : ‘मी देवाचा भक्त’ म्हणत महिलेला जाळ्यात खेचले; भोंदूबाबा ऋषिकेश वैद्यचा जामीन फेटाळला
