Batwara 1947 Film:  बॉलिवूड अभिनेता सनी देओलच्या ‘बटवारा 1947’ चित्रपटाला प्रेक्षकांचा मोठा प्रतिसाद मिळत आहे. हा चित्रपट १४ ऑगस्ट रोजी चित्रपटगृहांमध्ये प्रदर्शित झाला. भारत आणि पाकिस्तान फाळणीच्या पार्श्वभूमीवर आधारित या चित्रपटात सनी देओल, प्रीती झिंटा, शबाना आझमी आणि करण देओल प्रमुख भूमिकेत आहेत.

अनेकांना हा चित्रपट आवडला असून त्याचं खूप कौतुकही केलं जात आहे. अभिनेत्री, खासदार हेमामालिनी यांनीही नुकताच हा चित्रपट पाहिला असून त्यांनी सनी देओलच्या या चित्रपटाचे कौतुक केलं आहे.

हेमा मालिनी यांनी आपल्या इंस्टाग्राम अकाऊंटवरून एक पोस्ट शेअर केली आहे. त्यांनी चित्रपटाचे कौतुक केले आहे, तसेच सनी देओल आणि शबाना आझमी यांच्या अभिनयाचे वर्णन ‘जबरदस्त’ असे केले आहे. यासोबतच नातू करण देओलच्या अभिनयावरही सकारात्मक प्रतिसाद दिला आहे. हा चित्रपट बनवल्याबद्दल ‘ड्रीम गर्ल’ हेमा मालिनी यांनी आमिर खान यांचे अभिनंदन केले आहे. चित्रपटाचा संदेश त्यांना खूप प्रेरणादायी वाटला.

I watched the movie “Batwara” yday. Simply brilliant with a clear message that conveys what the nation needs today.

It reminds us that humanity, mutual respect, and harmony are far more important than hatred and division. I hope this beautiful message inspires people to change… pic.twitter.com/vR12C4ObjA

— Hema Malini (@dreamgirlhema) August 17, 2026

हा चित्रपट पाहिल्यानंतर त्यांनी सोशल मीडियावरील अकाऊंटवरून आपली प्रतिक्रिया दिली. या चित्रपटाला “अत्यंत उत्कृष्ट” असं म्हणत त्यांनी कौतुक केलं. हा चित्रपट लोकांना द्वेष आणि विभाजनापेक्षा माणुसकी व प्रेमाची निवड करण्यास शिकवतो, असं त्यांनी म्हटलं. हा चित्रपट पाहून लोकांच्या विचारसरणीत सकारात्मक बदल होईल आणि ते एकमेकांशी आणखी दयाळूपणे वागतील, अशी अपेक्षाही त्यांनी व्यक्त केली. Batwara 1947 Film

हेमा मालिनी यांची पोस्ट 
हेमा मालिनी यांनी पोस्ट शेअर करत लिहिले आहे, “मी काल ‘बंटवारा’ चित्रपट पाहिला. हा खरोखरच अत्यंत शानदार आहे आणि आज देशाला कशाची गरज आहे, याचा एक स्पष्ट संदेश देतो. हा चित्रपट आपल्याला आठवण करून देतो की द्वेष आणि फाळणीपेक्षा माणुसकी, परस्पर आदर आणि बंधुभाव खूप जास्त महत्त्वाचा आहे. मला आशा आहे की चित्रपटाचा हा सुंदर संदेश लोकांना आपली विचारसरणी बदलण्यास आणि द्वेषाऐवजी करुणा व दया निवडण्यास प्रेरित करेल.”

दरम्यान, हेमा मालिनी यांनी चित्रपटातील कलाकारांच्या अभिनयाचंही भरभरून कौतुक केलं. राजकुमार संतोषी यांचे दिग्दर्शन उत्कृष्ट असून, सनी देओल आणि शबाना आझमी यांनी अप्रतिम अभिनय केला आहे. तसेच करण देओल आणि प्रिती झिंटा यांनीही चांगला अभिनय केला आहे. तसेच सामाजिक संदेश देणारा चित्रपट प्रेक्षकांसमोर आणल्याबद्दल त्यांनी निर्माता आमिर खान यांचंही कौतुक केले आहे.  Batwara 1947 Film

हेही वाचा:  

Vinod Tawde: काल नवी जबाबदारी, आज आणखी मोठं पद; विनोद तावडेंची उत्तर प्रदेशसाठी वर्णी