Raghubir Yadav : उद्या शूटिंग आदल्या दिवशी आला हार्ट अॅटक; रघुबीर यादव यांच्याविषयी दिग्दर्शकाचा मोठा खुलासा
Raghubir Yadav : नेहमी विनोदी आणि सहजसुंदर भूमिकांमधून प्रेक्षकांच्या भेटीला येणारे रघुबीर यादव यावेळी मात्र एका वेगळ्याच नकारात्मक भूमिकेत दिसले.
Raghubir Yadav : ‘हुंकार: द रोअर’ या वेबसिरीजमधील उत्कंठावर्धक कथानकामुळे, दमदार पटकथेमुळे आणि कलाकारांच्या प्रभावी अभिनयामुळे चर्चेत आहे. विशेषतः ज्येष्ठ अभिनेते रघुबीर यादव यांनी साकारलेली बापजींची भूमिका प्रेक्षकांचे लक्ष वेधून घेत आहे.
नेहमी विनोदी आणि सहजसुंदर भूमिकांमधून प्रेक्षकांच्या भेटीला येणारे रघुबीर यादव यावेळी मात्र एका वेगळ्याच नकारात्मक भूमिकेत दिसले. त्यांच्या दमदार अभिनयाचे आणि व्यक्तिमत्त्वाचे प्रेक्षकांकडून कौतुक करण्यात आले.
नुकत्याच दिलेल्या एका मुलाखतीत दिग्दर्शक करण कपाडिया आणि रघुबीर यादव यांनी शूटिंगदरम्यानच्या अनेक आठवणी सांगितल्या.
शूटिंगच्या आदल्या रात्री आला होता हार्ट अटॅक!
या चर्चेदरम्यान दिग्दर्शक करण कपाडिया यांनी एक धक्कादायक खुलासा केला. वेबसिरीजमधील एका महत्त्वाच्या सीनच्या आदल्या दिवशी रघुबीर यादव यांना हृदयविकाराचा झटका आला होता.
या प्रसंगाची आठवण सांगताना रघुबीर यादव यांनी आपल्या खास विनोदी शैलीत प्रतिक्रिया दिली. ते हसत म्हणाले की, तो सीन इतका तीव्र होता की हृदयविकाराचा झटका येणेच त्यांनी पसंत केले. त्यांच्या या मिश्किल वक्तव्यामुळे संभाषणात हलकाफुलका क्षण निर्माण झाला.
काय आहे ‘हुंकार: द रोअर’चे कथानक?
‘हुंकार: द रोअर’ ही मालिका १७ वर्षीय मीनू रावत (अनित पड्डा) या विद्यार्थिनीभोवती फिरते. ती सुनील ‘बापजी’ चाकोसी (रघुबीर यादव) या शक्तिशाली आणि प्रभावशाली धार्मिक नेत्यावर लैंगिक अत्याचाराचा आरोप करते. बापजींचा राजकीय आणि सामाजिक प्रभाव इतका मोठा आहे की, त्यांचे नाव ऐकताच पोलीसही दबावाखाली येतात.
या प्रकरणात पीडित मुलगी अल्पवयीन असल्यामुळे बापजींविरोधात पॉक्सो कायद्यांतर्गत गुन्हा दाखल होतो. त्यानंतर या प्रकरणाला कोणते वळण मिळते, बापजींच्या प्रभावशाली व्यक्तिमत्त्वासमोर न्यायव्यवस्थेचे आव्हान कसे उभे राहते, हे वेबसिरीजमध्ये पाहायला मिळते.
कुठे पाहता येणार मालिका?
‘हुंकार: द रोअर’ या वेबसिरीजची निर्मिती बिर्ला स्टुडिओज आणि अप्लॉज एंटरटेनमेंट यांनी पर्पल पेबल पिक्चर्सच्या सहकार्याने केली आहे. ही मंगता फिल्म्सची प्रस्तुती आहे. करण डी. कपाडिया आणि नित्या मेहरा यांनी वेबसिरीजची संकल्पना मांडली असून, प्रियांका चोप्रा जोनास कार्यकारी निर्माती आहे. ही वेबसिरीज जिओ हॉटस्टारवर पाहायला मिळेल.
